خالد موشیر: دێربیێ پارێزگەهێ نموونەیا پشتەڤانیێ و ئێگكرتنێ بوو
ئەڤرۆ
د داخویانیەكێ دا سەرپەرشتێ تیما تەپا پێی یا یانەیا دهۆك كەیفخوەشیا خوە دیار كر ئەو پشتەڤانیا جوانی و شارستانی یێ یاریا دێربییا پارێزگەها دهۆكێ بۆ هەمی كوردستانێ و ئیراقێ نیشان دایی، ئەوا دناڤبەرا هەردو یانەیێن دهۆك و زاخۆ ل چارشەمبیا بۆری ژ چارچووڤێ هەڤڕكیێن گەڕا 30ێ ژ خولا پلا نایابا ئیراقێ یا تەپا پێی ل یاریگەها یانەیا دهۆك هاتیە ئەنجامدان، ب هزاران جەماوەرێ هەردو یانەیان بەرهەڤی یاریگەهێ بووین.
خالد موشیر بۆ رۆژناما ئەڤرۆ گۆت: بەری دەستپێكرنا یاریێ گەلەكا پێشبیێن نەرێنی ل سەر شێوازێ پشتەڤانییا جەماوەرێ هەبوو، لێ ئەو دێربییا هاتیە دێتن نموونەیا پشتەڤانیێ و ئێگكرتنێ بوو، فەستیڤالا وەرزشی یا جوان و بۆ جهێ دلخوەشیا مە هەمیان وەكو كەرنەفالەك دناڤ یاریگەهێ دا ب هزاران جەماوەرێ زاخۆ و دهۆكێ پشتەڤانیەكا شارستانی كرن، ئەڤ دیمەنە بڤی شێوەیی دبیتە جارا ئێكێ دهێتە دیتن، ژبەركو یا زانایە چەندین سالێن بۆری روودانێن نە چاڤەڕێ كری دهاتنە پێش.
هەروەسان ناڤهاتی گۆت: ئەڤ پێنگاڤە ئێك ژ نموونەیێن چو جاران نەهێتە ژبیركرن و گەشبینن بۆ یاریێن بهێت باشتر و جوانتر هێتە دیتن، پێنەڤێت ئەڤە بۆ هەمی لایەنا ڤەدگەڕێت تایبەت كارگێریێن هەردو یانەیان، دەستەكا پشتەڤانان، راگەهاندن و دەزگەهێن ئێمناهیێ و جەماوەرێ بەرهەڤبوویی، مە بۆ هەمیا دیاركر دێربیێ پارێزگەها دهۆكێ و بەهدینان ڤەگەڕیا خۆشی و جوانیا خوە و دەستخووش بۆ هەر لایەكێ پشتەڤان و هاریكار.
