خالد موشیر: كه‌مپا هه‌ولێرێ دێ به‌لانسێ بۆ ئاستێ یاریزانان دروستكه‌ت
ئه‌ڤرۆ،
د داخویانیه‌كێدا رێڤه‌به‌رێ تیما ته‌پا پێی یا یانا دهۆكێ بۆ رۆژناما ئه‌ڤرۆ دیاركر كو چوونا شاندێ تیما وان بۆ هه‌ولێرا پایته‌خت لدووڤ پلان و نه‌خشه‌یێن تایبه‌ت بوویه كو ژلایێ كادرێ راهێنانێ و دانانا كه‌مپه‌ك ژبۆ ئه‌نجامدانا چه‌ند یاریێن هه‌ڤالینی پێخه‌مه‌ت باشترین به‌رهه‌ڤی و تاقیكرن و زانینا شیانێن چه‌سته‌یی و ئاستێ یاریزانان وه‌كو به‌لانس به‌ری هه‌ڤڕكیێن خولا پلا ئێكا ئیراقێ بهێنه ئه‌نجامدان.
زێده‌تر خالد موشیر گوت: دوهی ده‌ست ب كه‌مپێ خوه كریه و یاریه‌كا هه‌ڤالینی ل گه‌ل پێشمه‌رگا هه‌ولێرێ ئه‌نجامدایه هه‌روه‌سان دبیت ئه‌ڤرۆ و سوبه‌هی و هه‌تا ئێك شه‌مبیا بهێت یاریێن هه‌ڤالینی به‌رده‌وامبن ل گه‌ل یانێن هه‌رێمێ و ناڤه‌راستا ئیراقێ، مه‌ره‌ما سه‌ره‌كی ژبۆ دانانا ئه‌ڤی كه‌مپی زێده‌تر لێك نێزكبوونا یاریزانان بۆ ماوێ چه‌ند روژه‌كا، هه‌روه‌سان قۆناغه‌كا دی یا به‌رهه‌ڤیانه و بلانسا ئاستێ وانه و تاقیكرنه بۆ زانینا شیانێن چه‌سته‌یی كو لدویڤ به‌رنامێ كادرێ راهێنانێ بۆ تیمێ هاتیه دانان ژبۆ باشترین به‌رهه‌ڤی به‌ری وه‌رزێ نوو یێ خولا پلا ئێكا ئیراقێ ده‌ستپێ بكه‌ت.
ژلایه‌كێ دیڤه ناڤهاتی گوت: هه‌رچه‌نده ئه‌ركێ مه ب سانه‌هی نابیت ژبه‌ركو هه‌ڤڕكیێن د خولا پلا ئێك دا چو كێمتر نینه ژ پلا نایاب هه‌كه زه‌حمه‌تر نه‌بیت لێ ب پشته‌ڤانیا كارگێریا یانێ و رژدیا یاریزانا و كادرێ راهێنانێ وه‌كو ئێك تیم ئارمانجا مه ده‌ربازبوونه بۆ پلا نایاب.
