خامنەیی هەلوەستەک جودا سەبارەت پەقینێن ل کرمانێ دیار دکەت
عەلی خامنەیی رێبەرێ شۆرەشا ئیسلامی یا ئیرانێ د داخۆیانیەکێ دا راگەهاند هەتا ڤەکۆلینێن ل دۆر هەر دو پەقینێن ل کرمانێ ب دووماهی نەهێن و ب بەلگە هەموو تشتەک نەهێتە ئاشکرا کرن ئەو نەشێن چو هێزەکێ, یان ژی وەلاتەکێ تاوانبار بکەن.
ئەو یەک د دەمەکێ دایە کو بەری نها سەرۆک کۆمارێ ئیرانێ ئیبراهیم رەئیسی د داخۆیانیەکێ دا دیار کربوو دەستێ ئەمریکا و ئسرائیلێ د پەقینێن ل کرمانێ دا هەیە و وان دڤێت پێگەهێ ئیرانێ لاواز بکەن، لێ ب ڤان پەقینان خەلک دێ پتر خوەدان ژ کۆمارا ئیسلامی یا ئیرانێ دەرکەڤن و رێ نادەن ئەمریکا و ئسرائیل رەوشا ناڤخوەیی یا ئیرانێ ئالۆز بکەن و ئیران دێ ب توندی بەرسڤا وان هێزان دەت یێن دەست د پەقینێن ل کرمانێ دا هەی.
