خانمەكا كورد ب ئێك ژ 10 سەرنجراكێشترین سیاسەتمەدارێن ئەلمانیا دهێتە نیاسین
ب، زنار تۆڤی:
رۆژنامەیا (بیلد) یا ئەلمانی، كو ئێكە ژ ناسیارترین و پرفرۆشترین رۆژنامەیان ل وی وەلاتی، وێ رۆژنامێ ب ژیرییا دەستكرد لێكۆلین و راپرسییەك ئەنجامدایە و وێنە و زانیاریێن هزار و 900 پەرلەمانتارێن هەرێمێن جودا یێن ئەلمانیا و پەرلەمانێ فیدرالیێ ئەلمانیا داینە مۆدێلەكا ژیرییا دەستكرد بۆ هندێ سەرنجراكێشترین پەرلەمانتاران ل وی وەلاتی دەستنیشان بكەت.
دناڤا ئەوان هزار و 900 پەرلەمانتاران دا، خانما پەرلەمانتار سەیران پاپۆ ل هەرێما شلیسڤیگ هۆلشتاین بوویە ئێك ژ 10 سەرنجراكێشترین سیاسەتمەدارێن وەلاتێ ئەلمانیا.
خانم سەیران سەر ب پارتا كریستیان دیمۆكراتڤەیە و دناڤا پارتییا خۆ دا كەسەكا گەلەك چالاك و خۆدان شیانە، هەروەسا ئەو خانمە گەلەك كار ل سەر ئەوان دۆسیەیان دكەت، یێن كو بۆ كورد و كوردستانێ و رەڤەندا كوردی ل وەلاتێ ئەلمانیا د گرنگ.
سەیران پاپۆ خەلكا جزیرێ یە ل باكورێ كوردستانێ و ئەڤە دەمێ چەندین سالایە د بیاڤێ سیاسەتێ دا ل وەلاتێ ئەلمانیا دا كار دكەت.
