خاپاندن
سالح دۆسكی
من خۆ رادەستی دابونەریتێن پاشڤەمایی نەكر، وەكی شێرە ژنەكا خوەسەر من شەڕێ خۆ هەتا دوماهی هەناسە كر، و ئەز ب شانازی دبێژم من مافێ خۆ بدەستخۆڤە ئینا.. بژیت ژنا ئازاد، بژیت رووبرووبوونا ستەما رەگەزێ نێر، وەكهەڤی و وەكهەڤی.
ب ڤان چەند رێزەكا، وێ خاتینا كابانی دیدارا خۆ دگەل كەنالەكی تێلەفزیۆنێ ب دوماهی ئینا و ب بلندكرنا دەستێ خۆ یێ راستێ ونیشادانا هەردو تبلێن خۆ یێن “ناڤلیچكێ و شەهدێ” نیشانا سەركەفتنێ نیشادا.
– پاشی؟
– كێشە بێ دەنگ بوو و پەردە ب سەر وێ شانۆگەرییا ژیانێ دا هات.
– پا ئەو؟
– هاتە بەردان و یا ل مالبابا خۆ روونشتی ب تنێ دخۆت و ڤەدخۆت، و سێ زارۆكێن وەكی فریشتەیان بۆ بابی و بێبار ژ داییكێ هێلان.
– مخابنی! ما پەشێمان نەبوویە؟
– درەنگ زانی كو دروشمان خاپاند، هندی یا دهێت یا بەرێ بڤەگەڕینیت، لێ زەلام رازی نابیت پشتی هەتكا وی دناڤ هۆزێ دا بری.. ئەگەر بنیاتێ خانی دەرزی ئاڤاكرنا ل سەر دبیت جهێ مەترسیێ.
– ما چ ژێ كیم بوو؟
– بێلۆمە و “ یێ نە ل ناڤ مالەكی نزانیت حالەكی”.
