خزمه‌ته‌كا نوو بۆ وێنێن كه‌ڤن ب رێیا زیره‌كیا ده‌ستكرد
ئه‌ڤرۆ، زانست:
زیره‌كیا ده‌ستكرد رۆژ بۆ رۆژێ د پێشڤه‌چوونێ دایه، ئه‌ڤه یه یا رۆژانه پێزانینان ل سه‌ر پێشكه‌فتنا وێ وه‌ردگرین د وارێ وێنه‌یی دا، چ بۆ چاره‌كرنا وێنێن بچووك و بێ كوالێتی، یان بۆ دروستكرنا وێنان ژ خه‌یالێ وه‌كو یێن راستی یان ژی یێن راستڤه‌كرنا وێنێن كاغه‌زی كو د ڤی بابه‌تی دا دێ به‌حس كه‌ین.
خزمه‌تا PhotoRestoration AI ب ته‌مامی یا بێ به‌رامبه‌ره، د شیان دایه د چارچۆڤێ ڤی به‌رنامه‌یی دا، وێنێن كه‌ڤن یێن زیان گه‌هشتیێ چاره بكه‌یی و بێ هه‌ر شاره‌زایه‌كا ته هه‌بیت، ئه‌و ب رێیا خورزمیان كار دكه‌ت و ئاریشێن د وێنه‌یی دا چاره دكه‌ت و د ماوێ هنده‌ك چركێن كێم دا ئه‌و وێنێ كه‌ڤن یێ ژناڤ چوویی وه‌كو وێنه‌كێ نوو هاتیه گرتن بۆ ته نیشان دده‌ت.
بێ كو چو پاره‌یی بده‌یی یان بچیته ژووری، مالپه‌ر دێ وێنه‌ی ئه‌بلود كه‌ت ب كوالێتیه‌كا باش چو ب رێیا سكانه‌رێ یان ژی ب رێیا تله‌فونێ و پاشان دێ start to process كلیك كه‌یی و دێ كارێ خوه كه‌ت و ئه‌و پارچا ژ ناڤ چوویی راكه‌ت ب چه‌ند چركێن كێم و پاشان دێ وێنه‌یی بۆ خوه دانلۆد بكه‌ت.
ئه‌ڤ به‌رنامه جورێنJPG و JPEG و PNG. د سه‌ر هندێ را، دڤێت قه‌باره ژ پێنج مێگابایتا نه‌بوریی باشترین قه‌باره 1200 × 1200 بیكسله. هه‌كه زێده‌تر ژی بوو، به‌رنامه ب خوه دێ كێم كه‌ت.