خزمەتگۆزارییەکا نوو ل فێسبووکی هاتە زێدەکرن

ئەڤرۆ نیۆز،زنار تۆڤی:

بەرپرسێن کۆمپانیا فێسبووکی یێن ئەمریکی، خزمەتگۆزاریەکا نوو بۆ تۆرا کۆمەڵایەتیا فێسبووکێ زێدەکر.

دوهی ئەینیێ 30/6/2017 بەرپرسێن کۆمپانیا فێسبووکی خزمەتگۆزاریا (Find Wi-Fi) بۆ فێسبووکێ زێدەکریە،کو ب رێیا ڤێ خزمەتگۆزاریێ،تۆ دشێی وان وای-فایان ب بینی یێن کو نێزیکی تەبن و هژمارا نھێنی ل سەر نەبیت،ل دووڤدا دێ شێی ئنتەرنێتا بەلاش ب کارئینی.

سالەکێ بەری نوکە کۆمپانیا فێسبووکی خزمەتگوزاریا (Find Wi-Fi) ل سەر سیستەمێ IOS تاقیکربوو پاشی لادا ڤە،لێ نوکە ئەو خزمەتگۆزارییە ل سەرانسەری جیھانێدا بۆ ھەردو سیستەمێن ئەندرۆید و IOS بەردەست کریە.

هەروەسا نوکە فێسبووکی ل سەرانسەری جیھانێدا بکارھێنەرەکێ زۆر ھەیە،ب ئێکەمین تۆرا کۆمەڵایەتی دهێتە دانان،بەرپرسێن کۆمپانیا فێسبووکی ژی بەردەوام خزمەتگۆزاریێن ب مفا بۆ ڤێ تۆرێ زێدە دکەن.

کۆمێنتا تە