خسرۆ گۆران: پێدڤیه كورد ل به‌غدا د ئێكگرتی بن بۆ ب ده‌ستڤه‌ئینانا ده‌ستكه‌فتێن زێده‌تر
دیدار، ره‌مه‌زان هه‌رنی:
خسرۆ گۆران به‌ربژارێ پارتی دیموكراتی كوردستان ژماره 24 پارێزگه‌ها دهۆك بازنێ سێ سنورێ ئاكرێ، به‌رده‌ڕه‌ش و شێخان بۆ جڤاتا نوونه‌رێن عیراقێ، د دیداره‌كا رۆژناما ئه‌ڤرۆ دا به‌حسێ پلان و كارنامه‌یا پارتی دیموكراتی كوردستان كر و ئاماژه ب گرنگیا پشكداریا وه‌لاتیان كر ل رۆژا ده‌نگدانێ كو ب گه‌رمێ و هێز ڤه قه‌ستا سه‌ر سندوقێن ده‌نگدانێ بكه‌ن و ده‌نگ ب به‌ربژارێن پارتی بده‌ن و پارتی هه‌ر ب پارتا ئێكا بهێلن ل سه‌ر ئاستێ كوردستانێ و عیراقێ.
ئه‌ڤرۆ: به‌رنامێ ته و كارنا پارتی بۆ هه‌لبژارتنێن جڤاتا نوونه‌رێن عیراقێ چیه؟
خسرۆ گۆران: به‌رنامه‌یێ مه به‌رنامێ پارتی دیموكراتی كوردستانه. ئه‌م به‌ربژارێن سه‌ربه‌خۆ نینه ئه‌م ئه‌ندامێن پارتینه ئه‌و به‌رنامه‌یێ بۆ مه هاتیه نڤیسین و راگه‌هاندن بزاڤا دكه‌ین ل به‌غدا بجه بینین. هه‌رسال كارتا پارتی بۆ به‌رژوه‌ندیا گشتیه و بۆ ب ده‌ستڤه‌ئینانا ده‌ستكه‌فتایه و بۆ پاراستنا مافێن كوردایه. پارتی ب پارته‌كا نیشتیمان په‌روه‌ری هاتیه ناسین و كار ل سه‌ر دوزا كوردی كریه ل هه‌موو جهان و بۆ ڤێ گه‌را هه‌لبژارتنا ژی پارتی دێ ب هێز به‌ره‌ڤ به‌غدا چیت و به‌ره‌ڤانیێ ژ ماف و ده‌ستكه‌فتێن گه‌لێ كوردستانێ كه‌ت.
ئه‌ڤرۆ: ئێكگرتنا كوردان بۆ ڤێ گه‌را هه‌لبژارتنا چه‌ند گرنگه ل به‌غدا؟
خسرۆ گۆران: ئێگرتنا كوردان ل هه‌موو قووناغا ل ده‌مێ شه‌ڕی و ئاشتیێ و حوكمرانیێ و ده‌نگدانێ گرنگه ژ به‌ر كو ئێگرتن هێما سه‌ركه‌فتنێ یه ب تایبه‌تی ل به‌غدا ژ به‌ر كو مه ئاریشێن هه‌ڤپشك هه‌نه ئه‌گه‌ر پارتایه‌تیێ ل ناڤخۆیا كوردستانێ بكه‌ین و جودا بین پێدڤیه كورد ل به‌غدا ئێكگرتی بن بۆ ب ده‌ستڤه‌ئینانا ده‌ستكه‌فتێن زێده‌تر چه‌ند ئێكگرتی بین دێ كارێن باشتر پێكڤه كه‌ین و ده‌ستكه‌فتێن زێده‌تر ب ده‌ست ڤه ئینین.
ئه‌ڤرۆ: پارتی ل به‌غدا دێ پتر كار ل سه‌ر چ وار كه‌ت؟
خسرۆ گۆران: پارتی دیموكراتی كوردستان ئارمانجه‌ك هه‌یه ژ بهێن فره‌هیێ د گه‌ل عیراقی یا و ده‌سهه‌لاتا به‌غدا ل سه‌ر پرسا هه‌ڤپشكی و رێكه‌فتن و هه‌ڤسه‌نگیێ، ژ به‌ر كو پێدڤیه هه‌ڤپشك بین نه‌ك پشكدار، پشتی 14ێ تیرمه‌ها سالا 1958ێ كورد و عه‌ره‌ب بووینه هه‌ڤپشك د عیراقێ دا و هه‌ڤپشك ژی بچووك و مه‌زنا نزانیت كورد هه‌ڤپشكه د گه‌ل عیراقێ ب هه‌ڤپشكی و رێكه‌فتن، پێدڤیه هه‌موو تشت ب ده‌نگدانێ نابیت ل جڤاتا نوونه‌ران و ل سه‌ر رێك بكه‌ڤین و نابیت شیعه ب زۆرینه بڕیارێ بده‌ت و كورد و سونه د گه‌ل وێ چه‌ندێ نینه. بۆچوونا مه وه‌رنه‌گرتیه نابیت د هه‌ڤپشكیێ دا بڕیارێن وه‌سا بهێنه دان و ئه‌م هه‌ڤپشكین نابیت هه‌ر لایه‌ك بۆ خوه راكێشیت پێدڤیه وه‌كهه‌ڤی هه‌بیت. مه ئاریشه هه‌نه د گه‌ل به‌غدا چاره‌سه‌ر نه‌بوونه و دێ پارتی كار كه‌ت بگه‌هیته رێكه‌فتنێ بۆ نموونه ده‌ڤه‌رێن كوردستانی یێن ده‌رڤه‌ی ئیدارا هه‌رێمێ نابیت ئێكلایانه ئه‌و ب ریڤه ببه‌ن ل گۆر ماددێن دستووری ئه‌و ده‌ڤه‌ر هاتینه داگیركرن پشتی 16ێ ئۆكتۆبه‌رێ و بابه‌تێ شایسته‌یێن دارایی و مۆچه و بوودجه.
ئه‌ڤرۆ: گرنگیا ڤێ گه‌را هه‌لبژارتنا بۆ پارتی د چو دایه؟
خسرۆ گۆران: كۆمه‌كیه‌ك هه‌یه دژی پارتی، له‌ورا دڤێت و پێدڤیه ئه‌ندام و لایه‌نگرێن پارتی ئه‌ركێ پارتایه‌تی ل سه‌ر ملێن خوه راكه‌ن و پشكداری هه‌لبژارتنا ببن و بچنه سه‌ر سندوقێن ده‌نگدانێ و ده‌نگ ب به‌ربژارێن پارتی بده‌ن ب كه‌رنه‌ڤاله‌كا مه‌زن بۆ وێ چه‌ندێ ئه‌و ململانێ یا هه‌یی پارتی بچوویك نه‌بیت، سه‌ره‌رای پارتی دێ هه‌ر ب مه‌زنی مینیت گرنگیا وێ ئه‌وه نه‌هێلیت پێگه‌هێ خوه ژ ده‌ست بده‌ت، له‌ورا گرنگه هه‌موو رۆژا ده‌نگدانێ پشكدار بن ده‌نگ ب به‌ربژارێن پارتی بده‌ن، گرنگیا گشتی ژی هه‌یه قانوونا نوكه یا هه‌لبژارتنا گوهۆڕیه به‌ری نوكه دهۆك ئێك بازنه بوو نوكه بوویه سێ بازنه پێدڤیه ب هوشیاری كادرێن پارتی پشكداری هه‌لبژارتنا بكه‌ن ل سه‌ر ئاستێ ناڤخۆیی و عیراقێ و جیهانێ ڤێ هه‌لبژارتنێ گرنگیا خوه هه‌یه و چاره نڤیس سازه بۆ جارا ئێكێ یه نه‌ته‌وێن ئێكگرتی سه‌رپه‌رشتیا هه‌لبژارتنێن عیراقێ بكه‌ن ب ده‌هان چاڤدێر داناینه بۆ هه‌موو پارێزگه‌هێن كوردستانێ و عیراقێ و ناڤ كه‌مپا پشتی هه‌لبژارتنا دێ راپۆرتا خوه ئاراسته‌ی نه‌ته‌وێن ئێكگرتی كه‌ن ل سه‌ر ئه‌نجام و چاوانیا هه‌لبژارتنا له‌ورا گه‌له‌ك گرنگه گرنگیێ ب ده‌ینه هه‌لبژارتنا ب پاقژی و ب هێز و ده‌ڤه‌رێ گوهۆڕین ب سه‌ر دا هاتینه ئه‌مریكا ل ئه‌ڤغانستان خوه ڤه‌كێشایه و نوكه چاره نڤیسێ مه ب به‌غدا ڤه‌گرێدایه، له‌ورا پێدڤیه هوشیار و ئاگه‌هدار و ب هێز ل به‌غدا بین و ئاگه‌هداری هه‌موو گوهۆڕینا بین.
ئه‌ڤرۆ: ره‌وشا عیراقێ پشتی هه‌لبژارتنا دێ چو گوهۆڕینێن ئه‌رێنی ب سه‌ر دا هێن؟
خسرۆ گۆران: ره‌وشا پشتی هه‌لبژارتنا دێ ل سه‌ر ئه‌نجامێن هه‌لبژارتنا و پێكهاتا حوكمه‌تا نوو مینیت ب پشت راستی دێ پشتی هه‌لبژارتنا گوهۆڕینێن سیاسی و ئابووری و ئه‌منی ل عیراقێ دروست بن، عیراق وه‌لاته‌كێ گرنگه ل رۆژهه‌تا ناڤین، له‌ورا ئه‌مریكا ژی گرنگی دایه ڤێ گه‌را هه‌لبژارتنێن عیراقێ.
ئه‌ڤرۆ: پێشبینی دكه‌ن ڤێ گه‌را هه‌لبژارتنا چه‌ند كورسیا ب ده‌ست ڤه بینیت ل عیراقێ؟
خسرۆ گۆران: پارتی دیموكراتی كوردستان ل هه‌لبژارتنێن بوری یێن عیراقێ ل سه‌ر ئاستێ كوردستانێ و عیراقێ پارتا ئێكێ بوو. بۆ ڤێ گه‌را هه‌لبژارتنا ژی دێ هه‌موو بزاڤا كه‌ین سه‌نگ و هێزا خوه بپارێزین ل به‌غدا دێ كار كه‌ین بۆ زێده‌كرنا كورسیێن پارتی ل به‌غدا نه‌ك كێمكرنێ خولا بوری ئه‌وا نوكه هه‌یی پارتی 25 كورسی هه‌بوون بۆ پارتا ئێكێ ل سه‌ر ئاستێ كوردستانێ و عیراقێ دێ كار كه‌ین بۆ زێده‌كرنێ و مه شیانێن زێده‌كرنێ ژی هه‌نه.
ئه‌ڤرۆ: هنده‌ك به‌ربژارێن پارتی دیموكراتی كوردستان نه‌ته‌وا عه‌ره‌بن ڤێ چه‌ندێ چو گرنگیا خوه هه‌یه ؟
خسرۆ گۆران: پارتی دیموكراتی كوردستان د بنه‌ره‌ت دا پارته‌كا كوردی و كوردستانی یه بۆ خزمه‌تكرنا گه‌لێ كورد به‌ریا 75 سالان هاتیه دامه‌زراندن و هه‌موو شۆره‌ش و بزاڤێن پارتی ژی ب درێژاهیا ژیێ خوه بۆ دوزا ره‌وا گه‌لێ كورد كار كریه و قوربانی داینه به‌لێ ژ هه‌موو ئایین و پێكهاته‌یا پارتی ئه‌ندام و لایه‌نگرێن خوه هه‌نه پارته‌كا گشتی یه، هه‌موو لایه‌نه هه‌رگاڤ عه‌ره‌ب و توركمان و كلدان و ئاشووری و مه‌سیحی و ئێزدی و شه‌به‌ك تێدا بووینه، ل ده‌مێ بوری به‌ریا نوكه فه‌ره‌نسو حه‌ریری كو مه‌سیحی بوو ئه‌ندامێ سه‌ركردایه‌تیا پارتی بوو له‌ورا ژی زۆر نورمال و گرنگه بۆ پارتی نوكه به‌ربژارێن نه‌ته‌وا عه‌ره‌ب هه‌بن ل سالێن 1970 ژی عه‌ره‌ب هه‌بوینه وه‌ك كادرێ پارتی ل مووسڵ توركمان هه‌بوونه نوكه ژی ل هه‌موو چین و ئاینا پارتی ئه‌ندام و لایه‌نگر هه‌بوونه نوكه ژی ل ئه‌نبار و كه‌ربه‌لا شیعه و سونه هه‌نه كادرێن پارتی نه دێ هه‌موو بزاڤا ژی كه‌ین ده‌ربچن و سه‌ركه‌فتنێ ب ده‌ست ڤه بینن ئه‌گه‌ر سه‌ركه‌فتن ژی ئینا پارتی دێ جوانتر بیت نوكه ژی دو په‌رله‌مانتارێن عه‌ره‌ب ل عیراقێ عه‌ره‌بن و د پاشه‌رۆژێ دا دێ پارتی ب ڤی ره‌نگی كار كه‌ت. پارتی پارته‌كا جه‌ماوه‌ریا سه‌رتاسه‌ری یه.
ئه‌ڤرۆ: په‌یڤا ته‌یا دووماهیێ بۆ هه‌لبژارتنا چیه؟
خسرۆ گۆران: داخوازێ ژ هه‌موو كه‌سه‌كی دكه‌م حه‌ز پارتی بكه‌ت و كادرێ پارتی بیت و نشتیمان په‌روه‌ر بیت بچیته سه‌ر سندوقا ده‌نگدانێ و ده‌نگی بده‌ته به‌ربژارێن پارتی دیموكراتی كوردستان بۆ هه‌لبژارتنێن جڤاتا نوونه‌رێن عیراقێ پارتی بپارێزیت و هه‌ر ده‌نگه‌ك بۆ پارتی گرنگه، چه‌وا ل سه‌ر ده‌مێ شۆره‌شێ فیشه‌ك بۆ پێشمه‌رگه‌ی گرنگ بوو وه‌سا نوكه ژی ده‌نگه‌ك بۆ پارتی گرنگه و هه‌ر ده‌نگه‌كێ نوكه به‌رامبه‌ر فیشه‌كه‌كا سه‌رده‌مێ شۆره‌شێ یه ل قووناغا ئاشتی و هه‌لبژارتنا گرنگه، هه‌ر ده‌نگه‌ك فیشه‌كه‌كه بۆ پارتی دێ پتر پارتی پارێزیت گرنگه و پێدڤیه ئه‌و ئه‌ركێ ل سه‌ر ملێن مه‌یه كو د خه‌ما میلله‌ته‌كێ داینه و هه‌رده‌ما پارتی ب هێز بیت پێگه‌هێ كوردستانێ ب هێزه پێدڤیه ب كه‌رنه‌ڤال رۆژا 10/10 بچینه سه‌ر سندوقێن ده‌نگدانێ و ده‌نگ ب به‌ربژارێن پارتی بده‌ین،
نابیت هه‌لبژارتنێن جڤاتا نوونه‌رێن عیراقێ ب چو پرسا ڤه گرێده‌ین راسته گازنده هه‌نه به‌لێ ئه‌ڤرۆ هه‌لبژارتن ل به‌را مه‌نه و پێدڤیه پارتی سه‌ركه‌ڤیت بۆ وێ چه‌ندێ كوردستان یا ب هێز بیت و ده‌ستكه‌فتنێن مه‌زنتر ب ده‌ست ڤه‌بینیت، ده‌نگ بۆ جڤاتا نوونه‌رێن عیراقێ یه بۆ چاره‌سه‌ركرنا ئاریشایه، وه‌ك پارتیه‌ك ئه‌ركه ل سه‌ر مه هه‌موویان ده‌نگی بده‌ین و پشتی خیانه‌تا 16ی ئۆكتۆبه‌رێ نیڤا ئاخا كوردستانێ یا داگیركریه پێدڤیه ده‌نگ بۆ ب هێزبۆنا پارتی بده‌ین ئه‌و ژی ده‌نگدانه ب پارتی دیموكراتی كوردستان، ئه‌وێ نه‌چیته ده‌نگدانێ دێ خیانه‌تێ ل گه‌ل و كوردستانێ و پارتی كه‌تن.
