خشتێ لالیگایێ و دەمێ یاریێن كلاسیكۆ هاتنە دیاركرن
ئەڤرۆ نیوز ، زنار تۆڤی:
فیدراسیۆنا تەپا پێ یا ئیسپانیا دوهی تیروپشكا یاریێن وه‌رزێ نوو یێ خولا ئیسپانیا ئه‌نجامدا و دەمێ یاریێن كلاسیكۆیێ ژی دیاركر.
وه‌رزێ نوویێ لالیگا ئیسپانیا 2018-2019 دێ ل رۆژا 19 تەباخا داهاتی ده‌ستپێکەت و د ئێکه‌م یاری دا بارسێلۆنا دێ به‌رامبه‌ر دیپیۆرتیڤۆ ئالاڤێس یاریا خوە کەت، هه‌روه‌سا ریال مه‌درید ژی دێ به‌رامبه‌ر خیتافی یاریێ کەت، ب هێزترین یاری ژی دێ دناڤبەرا ئەتلەتیكۆ مه‌درید و ڤالنسیا دا بیت.
هه‌روه‌سا یاریێن دیتر، ئەتلەتیك بیلباو به‌رامبه‌ر لیگانیس، ریال بیتس به‌رامبه‌ر لیڤانتی، سێلتاڤیگۆ ل گه‌ل ئیسپانیۆل، ئیبار هەمبەری هۆیسكا، خیرۆنا به‌رامبه‌ر ڤه‌له‌دوەلید، رایۆڤاییكانۆ به‌رامبه‌ر سێڤییا و ڤیاریال به‌رامبه‌ر سۆسیداد دێ یاریێ كه‌ن.
هەروەسا فیدراسیۆنا ئیسپانیا دەمێ برێڤەچوونا هه‌ردوو یاریێن كلاسیكۆ دناڤبەرا ریال مه‌درید و بارسێلۆنا دیاركریە، کو تێدا یاریا ئێکێ یا كلاسیكۆ دێ ل بارسێلۆنا و ل یاریگه‌ها كامپ نوو ل رۆژا 28 ئۆكتۆبه‌رێ هێتە ئەنجامدان، یاریا دویێ ژی دێ ل 3-3-2019 ل مه‌درید و ل یاریگه‌ها سانتیاگۆ بێرنابیۆ هێتە کرن.
هه‌روه‌سا دەمێ یاریێن دێربیا مه‌درید دناڤبەرا ریال مه‌درید و ئەتلەتیكۆ مەدرید دا هاتیە ئاشكرا كرن و یاریا ئێکێ دێ ل 30 ئیلۆنا داهاتی ل سانتیاگۆ بێرنابیۆ بیت و یاریا دویێ ژی دێ ل 10 شواتا 2019 ل یاریگه‌ها واندا میترۆپۆلیتانۆ هێتە کرن.