خشتەیێ نوو یێ كاركرنا موەلیدەیان بۆ مەها نیسانـێ هاتە دیاركرن
دهۆك، دلۆڤان ئاكرەیی:
سەرۆكێ كۆمەلا موەلیدەیێن دهۆكێ دیاركر، پشتی زنجیرەكا كۆمبوونێن لایەنێن پەیوەندیدار ب مژارا كارەبێ ڤە، بڕیارێن نوو ل دۆر خشتەیێ كاركرنا موەلیدەیێن ئەهلی بۆ مەها نیسانێ هاتنە ڕاگەهاندن و دبێژیت: ئەڤ بڕیارە ب مەرەما ڕێكخستنا دەمژمێرێن كارەبێ و دابینكرنا خزمەتگوزارییەكا باشتر بۆ وەلاتیان هاتینە دان.
مەحەمەد بێخال، سەرۆكێ كۆمەلا موەلیدەیێن دهۆكێ بۆ رۆژنامەیا ئەڤرۆ گۆت: «موەلیدە دێ ژ دەمژمێر 7:00ی سپێدێ هەتا 9:00ی سپێدێ كاركەن، دیسا ل دەمژمێر12:00ی نیڤرۆ هەتا 2:00ی شەڤێ دێ كار كەن، دەمژمێرێن ماین؛ موەلیدە دێ د بێهنڤەدانێ دا بن».
گۆتژی: «ئەگەر حالەتەكێ نائاسایی یێ بڕینا كارەبا نیشتمانی هەبیت و بڕینا كارەبا نیشتمانی 6 بۆ 8 دەمژمێران بیت، خشتە دێ هێتە گوهۆڕین، داكو وەلاتیان 24 دەمژمێران كارەب هەبیت، بهایێ ئەمپێری و سیستەمێ پارەدانێ بۆ مەها نیسانێ نێزیكی 12,500 دینارانە، بهایێ ئەمپێری ل سەر بنەمایێ بهایێ گازی ل بازاڕی دێ هێتە دیاركرن؛ ئەگەر گاز گران بیت یان ئەرزان بیت، دێ كاریگەری ل سەر بهایێ ئەمپێری هەبیت، دیسا پارە وەكە مەها بۆرین پێشوەخت ژ وەلاتیان دێ هێتە وەرگرتن».
