خـوارنا سیرێ کـولیسترولـێ خـراب کێم دکـەت

- ژمارەیەکا زانایێن زانکۆیا شانگهاى جیاوتۆنگ یا چینى گەهشتنە وى ئەنجامى؛ خوارنا سیرێ دبیتە ئەگەرێ کێمبوونا کولیسترۆلا خراب د خوینێ دا و مرۆڤى ژ نەخۆشیێن دلى و دەمارێن خوینێ دپارێزیت.
– کۆڤارا Frontiers in Pharmacology بەلاڤکریە؛ لێکۆلەران شڕۆڤەکرن بۆ 22 لێکۆلینان ژ بۆ زانینا کارتێکرنا خوارنا سیرێ ل سەر ئاستێ دوهنێن خوینێ کرن، بۆ لێکۆلەران ئاشکرابوویە کو هەبوونا سیرێ د سیستەمێ خوارنێ دا دبیتە ئەگەرێ کێمبوونا کولیسترۆلا خراب LDL د خوینێ دا کو ئەو کولیسترۆلە ئەگەرێ سەرەکى یێ رەقبوونا دەمارایە.
– ئەگەرێن ڤى مفایێ سیرێ، ل گۆرەى لێکۆلەران، ئەوە کو گەلەک دژەئۆکسان دناڤ سیرێ دا هەنە کو رێژەیا کولیسترۆلێ کێم دکەن.
– “سیر مرۆڤى ژ مەترسییا بلندبوونا فشارێ خوینێ و جەلتەیێن مێشکى دپارێزیت”، وەکى لێکۆلەران ئاماژەپێکرى.
– دا کو مرۆڤ مفاى ژ سیرێ ببینیت، یا باش ئەوە مرۆڤ بەردەوام بکەتە دناڤ سیستەمێ خۆ یێ خوارنێ دا و ببیتە خوارنەکا بەردەوام.

کۆمێنتا تە