خه‌تاب عومه‌ر: نا هێلین باسكت بۆلا دهۆكێ ب راوه‌ستیێت
ئه‌ڤرۆ،
د داخویانیه‌كێدا راهێنه‌رێ تیما باسكت بۆلا یانا دهۆكێ بۆ رۆژناما ئه‌ڤرۆ دیاركر كو سه‌رباری نه پشكداریا وان بۆ وه‌رزێ نوو یێ خولا پلا نایابا ئیراقێ ژبه‌ر كاودانێن نه‌خووش یێن دارایی ل یانێ لێ ئه‌و به‌رده‌وامن و ناهێلن كاروانێ تیمێ ب راوه‌ستیێت.
زێده‌تر خه‌تاب عومه‌ر گۆت: هه‌رچه‌نده بریارا كارگێریا یانێ بۆ خوه ڤه‌كێشانێ ل وه‌رزێ نوو یی خولا ئیراقێ ژ نه‌چاری بوو پشتی كو ده‌ستپێكێ راگه‌هاندی دێ پشكداربن لێ ژبه‌ر كاودانێن نه چیگێر یێن دارایی كو د شیان دا نه‌بوو تیمێن تازه‌پێگه‌هشتیان و لاوان و پێشكه‌فتیان د ئێك خولا پشكداری پلا نایاب بكه‌ن، یا گرنگ مانا تیما مه د خولا پلا نایاب دا جهێ وێ پاراستیه بۆ وه‌رزێ بهێت له‌ورا دێ هه‌موو بزاڤا كه‌ین و لدووڤ پلانێن رێكخستی تیمه‌كا رێكوپێك ب كوڕێن پارێزگه‌هێ ب باشترین شێوه راهێنانان بكه‌ین و نه هێنه راوه‌ستاندن.
ژلایه‌كێ دووڤه ناڤهاتی گه‌شبینیا خوه دیاركر كو لدووڤ پشته‌ڤانیا نوكه یا كارگێریێ بۆ تیمێ به‌رهه‌ڤكرینه هه‌تا وه‌رزێ بهێت یاریزانێن پارێزگه‌ها دهۆكێ ل گه‌ل زێده‌كرنا پیشه‌كاره‌كێ ده‌رڤه دێ شیانێن هه‌ڤڕكیێ د خول و قاره‌مانیێن ئیراقێ و كوردستانێ داهاتی دا هه‌بن.
