خه‌لك كارێن ده‌ستێ خۆش ناكرن
دهۆك، هه‌رهین محه‌مه‌د:
شڤان ئه‌حمه‌د سلێمان، خه‌لكێ ناحیا رۆڤیایه، بۆ ده‌مێ چه‌ندین سالایه هنده‌ك كارێن ده‌ستی دكه‌ت، دیداره‌كێ دا بۆ رۆژناما ئه‌ڤرۆ گۆت: ڤی كاری دكه‌م وه‌كو حه‌زه‌كێ بوو ل ده‌ف من و كارێن من یێن ده‌ستی ژ كاره‌كی بتنێ پێك نه هاتیه، وه‌كو نافورێن بچوووك و حه‌وزێن ماسان و گه‌له‌ك تشتێ دی و ڤی كارێ ده‌ستی ژی ب چیمه‌نتۆیێ و دارا و به‌را و فه‌یبه‌ر و فلینه، به‌لێ خه‌لكێ مه خۆش ناكرن و گه‌له‌ك گرنگیێ پێ ناده‌ن، له‌ورا ئه‌ز كارێن خوه فرێ دكه‌مه هه‌ولێرێ و ل وێرێ دفرۆشن و هه‌ر تشته‌كی ژی بهایێ وی ل سه‌ره و بهایێ وان ژی دگونجای نه.
هێشتا گۆت: هه‌ر كاره‌كێ ده‌ستی بكه‌م دچار هه‌تا پێنچ ده‌مژمێران دا ب دووماهی ئینم و ڤی كاری دكه‌م چو داهاتێ وه‌سان ژێ ناهێت هه‌تا كو ژیانا خوه پێ بۆرینم و بتنێ ئه‌ڤه حه‌زا منه و هه‌ركاره‌كێ ئه‌زچێكه‌م هه‌موو ژ هزروبیرێن منه و هه‌كه تشته‌كی نه‌زانم ژی ئه‌نترنێتێ ب كاردئینم.
