خه‌لك ژ هزرێن نوو دترسن
زاخۆ، عه‌لی حاجی:
ئاواز عه‌بدولقادر، كچه‌كا شێوه‌كاره ل باژێرێ دهۆكێ، د دیداره‌كێ دا بۆ رۆژناما ئه‌ڤرۆ دبێژیت: ب دیتنا من د شێوه‌كاریێ دا خه‌لك حه‌ز ژ تشتێن نوو ناكه‌ت و پشته‌ڤانیا هزرێن نوو ژی ناكه‌ن، له‌ورا زێده‌تر ئه‌ز خوه ژ واقعی دوور دئێخم و كه‌ڤالێن خه‌یالی دروست دكه‌م.
زێده‌تر گۆت: به‌ری ل زانكۆیا دهۆك پشكا شێوه‌كاری بهێمه وه‌رگرتن بتنێ بۆ خۆشی من كارێ شێوه‌كاری دكر و كێم رۆژان كه‌ڤال چێدكرن، به‌لێ پشتی چوویمه پشكا شێوه‌كاری ئێدی رۆژ ده‌رباز نابن هه‌كه كاره‌كێ هونه‌ری نه‌كه‌م و مروڤ وه‌سا هزر دكه‌ت كو خه‌لك ژ هزرێن نوو دترسن، به‌لێ دێ به‌رهه‌ده‌وامبم ل سه‌ر چێكرنا كه‌ڤالان و و ڤه‌كرنا پێشانگه‌هان زێده‌تر وه دكه‌ت مرۆڤ شێوه‌كارێن باش و نه دیار بنیاسیت و دخوازم د پاشه‌رۆژێ دا ببمه شێوه‌كاره‌كا مه‌زن ژبه‌ركو نوكه ژ ئاستێ خوه یا رازی نینم و به‌رده‌وام كار دكه‌م ژبۆ بلندكرنا ئاستێ خوه یێ شێوه‌كاری.
