خه‌لیل حسێن: كاراكرنا یانا دیندارتَه هیڤیێن لاوان گه‌شكرن
ره‌مه‌زان زه‌كه‌ریا:
د داخویانیه‌كێدا جێگرێ سه‌رۆكێ یانا دینارته یا وه‌رزشی دیاركر كو سه‌رباری یانه ل سالا 1996ێ هاتبوو دامه‌زراندن و ده‌ستكه‌فتێن باش هه‌بوون لێ ژبه‌ر ئه‌گه‌رێن جودا هاتبوو راگرتن.
زێده‌تر خه‌لیل حسێن بۆ رۆژناما ئه‌ڤرۆ گوت: پشتی 12 سالێن ڕاكرتنێ و لدووڤ داخوازی و گڤاشتنا لاوان و گه‌نجێن ده‌ڤه‌رێ مه هه‌موو بزاڤكرن یانه ڤه‌گه‌ڕێت كو ب سۆپاسی ڤه رێڤه‌به‌ریا گشتی یا وه‌رزشی ل حوكمه‌تا هه‌رێما كوردستانێ ل شوباتا سالا بوری یانا دینارته كاراكره‌ڤه وهیڤیێن وان گه‌شكرن، پێنگاڤا ئێكێ تیما ته‌پا پێی هاته پێكئینان و پشكداری خولا پلا دو یا كوردستانێ بوو و ده‌ست ب چالاكیێن خوه كر و هه‌تا نوكه ژی ئه‌م وه‌كو كارگێریا یانێ ژ ئاست و ئه‌نجامێن تیما خوه د رازینه دیسان تیما مه نه‌بتنێ خه‌لكێ دینارته‌یه به‌لكو ژ ده‌ڤه‌رێن دی یێن پارێزگه‌هێ ژی هاتینه دناڤ رێزێن تیما مه یا ته‌پا پێی دا.
ژلایه‌كێ دووڤه ناڤهاتی گۆت: پشته‌ڤانیا دارایی ژلایێ خه‌لكێ ده‌ڤه‌رێ ڤه دهێته دان كو هاریكاری لدووڤ شیانێن خوه بۆ مه دكه‌ن تایبه‌ت كاسایه‌تیێ ده‌ڤه‌رێ دلێر فه‌رزنده و هه‌بوونا جه‌ماوه‌رێ وه‌رزشی پشته‌ڤانیه‌كا دی یا مه‌عنه‌وی دایه تیما مه كو شیاینه ده‌ربازبنه قۆناغا دووماهیێ یا پلا دو و ده‌ربازبوو بۆ پلا ئێك.
