خوارنا تێشتێ مرۆڤی زه‌عیف دكه‌ت
ئەڤرۆ نیوز:
به‌روڤاژی هزرێن خه‌لكی، ڤه‌كولینه‌كا نوو یا پزیشكی كو ل سه‌ر 1000 سنێله‌یان هاتیه كرن دیاردكه‌ت كو خوارنا تێشتێ ل سپێده‌هیان هاریكاره بو كێمكرنا سه‌نگا مرۆڤی و هاندانا مرۆڤی دكه‌ت بو ئه‌نجامدانا وه‌رزشێ.
ئه‌و ڤه‌كولینا ل گوڤارا پادیاتریكس دا هاتیه به‌لاڤكرن دیاركر كو ئه‌و سنێله‌یێن رۆژانه تێشتێ دخون زه‌عیفترن و پتر چالاكی هه‌یه و پتر د هشیارن كو خوارنێن ب روین و قه‌له‌و نه‌خوون.
ژبو رونكرنا ئه‌نجامێن ڤێ ڤه‌كولینێ( كاترین تالمج) دیاردكه‌ت ئه‌و كه‌سێن ل سپێده‌هیان خوارنێ دخون ب شه‌ڤێ خو ژ خوارنێ دده‌نه پاش و ئه‌ڤه‌ژی هاریكاره بو سوتنا پلێن گه‌رماتیێ دناڤ له‌شیدا.
ڤه‌كوله‌ر وێ چه‌ندێ ژی دیاردكه‌ن كه‌سێن كو تێشتێ نه‌خون دێ په‌نایێ به‌نه خوارنا دانێن سڤك و ئه‌ڤه‌ژی د پێكهاتینه ژ رێژه‌یه‌كا مه‌زن یا شه‌كرێ و روینی و كێم پروتین دناڤدایه.
ل دور باشترین جورێن خوارنێ كو مرۆڤ بخوت ڤه‌كولین دبێژیت شیرێ بێ روین و هنده‌ك نان دگه‌ل كوپه‌كێ شه‌ربه‌تا پرته‌قالا و پرته‌كا فێقی و ئه‌ڤه دێ هاریكاریێ كه‌ن بو ب ده‌ستڤه‌ئینانا پروتینێن باش بو دلی و كێمكرنا ترشاتیێ ل سه‌ر گه‌ده‌ی.
ژێدەر/ نۆش نیوز:
