خوارنا درەنگی شەڤ مەترسیا پەنجەشێرا مەمکی زێدە دکەت
ئەڤرۆ:
خوارنا درەنگی شەڤ مەترسیا تووشبوونا ب پەنجەشێرا مەمکی زێدە دکەت، ل دووڤ ڤەکۆلینەکا پزیشکی یا نوو کو ڤەکۆلەرێن زانکۆیا کالیفۆرنیا سەرپەرشتیا وێ کریە.
شارەزا دووپات دکەن کو خوارنا ل دەمێن دیار و شیڤ خوارنا بەری سەعەت ھەشتێ شەڤ مەترسیا تووشبوونا پەنجەشێرا مەمکی کێم دکەن، خوارن ل بەری نڤستنێ ب دەمەکێ کێم ئاستێ شەکرێ د ناڤ خوینێ دا بلند دکەت و دئێخیتە بەر مەترسیا پەنجەشێرێ.
ئەڤێ ڤەکۆلینێ پشت بەستن ل سەر ڤەکۆلینەکا بەری نوکە کریە کو دیار کریە ئەو ژنێن ئاستێ شەکرێ ل نک وان بلند دبیت دکەڤنە بەر مەترسیا پەنجەشێرێ.
بۆ خوە پاراستنێ ژ پەنجەشێرا مەمکی شارەزا شیرەتان دکەن کو کێم گوشتێ سۆر و کاربوھێدراتان بخۆن وەکو برنجی و نانێ گەنمی.
