خوارنێن كوردەواری ب زەحمەتن بۆ چێكرنێ
هەرهین محەمەد:
شێف ئایدل حسێن، كو نوكە بەرنامێ شێف ل كەنالێ دهۆك تیڤی پێشكیش دكەت، ددیدارەكێ دا بۆ ئەڤرۆ گۆت: ژمێژە من حەزا خوارن چێكرنێ هەبوویە و ئەڤە سێ سالە ب تەمامی چوویمە دناڤ ڤی كاری دا ئانكو ل سۆشیالێ كارێ خوە بەرچاڤ دكەم و گەلەك جۆرێن خوارنان چێدكەم و خوارنێن كوردەواری من ژ مال ب خوە گرتینە و یێن بیانی ژی من سۆشیالێ و دەوروبەران وەرگرتینە و خۆارنێن كوردەواری چێكرنا وان یا ب زەحمەتە، بەلێ پێكهاتیێن چێكرنێ دكێمن، بەلێ خۆارنێن بیانی ب ساناهی نە و پێكهاتەیێن وان گەلەكن هەروەسا گەلەك جۆرێن شوربا و زەلاتان هەنە و ئێك ژ حەزژێكەرێ زەلاتانم و چێكرنا زەلاتێ ژی ل دووڤ حەزا مرۆڤی یە و هەركەسەك دشێت ل دووڤ حەزا خوە زەلاتێ چێكەت
هەروەسا گۆت: ژبلی چێكرنا خۆارنێ كارێ دیزاینێ و قەهوی َو ئەتەكیتێن ناڤمالێ و گوهۆڕین و دیزاینا ناڤمالێ و هەموو كاری َخوە من د ئنستگرام و تیكتوكی َخوە دا بەلاڤكرینە، بەلێ بتنی َدەستێن من دەردكەڤن و ئەز خوە دیارناكەم، بەلێ پشتی بەرنامێ شێف ل دهۆك تیڤی پێشكێش دكەم ل گەل پێشكێشكار هێلانێ ئێدی ل سۆشیالێ ئەز خوە ژی دەرێخم ل سۆشیالێ و ژبەركو خەلكێ مە هەموو دەمان حەزژ تشتێ رێك و پێك دكەن پتر داخۆازی بۆ من دیزاینێ دهێن كو خوارنێ و ڤەخوارنێ بۆ ئاهەنگ و شەهیان و روینشتنان دیزاین دكەم.
