خواست ل سه‌ر بكارئینانا كاره‌بێ بۆ حه‌فت هزار مێگاواتان زێده‌بوویه
ئه‌ڤرۆ:
په‌یڤدارێ وه‌زاره‌تا كاره‌بێ دیار كر، به‌رهه‌مئینانا كاره‌بێ ژ لایێ حوكمه‌تێ ڤه هاتییه زێده كرن بۆ نێزیكی چار هزار میگاواتان، ئه‌ڤه د ده‌مه‌كی دایه، كو هه‌رێما كوردستانێ پێدڤی ب حه‌فت هزار میگاواتێن كاره‌بێ هه‌یه.
ئومێد بابان، په‌یڤدارێ وه‌زاره‌تا كاره‌بێ بۆ ئاژانسا خانی دیار كر، شیانێن به‌رهه‌مئینانا كاره‌بێ ژ لایێ حوكمه‌تا هه‌رێما كوردستانێ ڤه گه‌هشتییه سێ هزار و ٩٠٠ میگاواتان و چه‌ندین پڕۆژه‌یێن دی ژی یێن به‌رهه‌مئینانا كاره‌بێ هه‌نه و كار ل سه‌ر دهێته كرن بۆ زێده‌كرنا كاره‌با نیشتمانی و پشتی ب دووماهی هاتنا وان پڕۆژه‌یان دێ به‌رهه‌مێ كاره‌بێ هێشتا زێده بیت.
په‌یڤدارێ وه‌زاره‌تا كاره‌بێ گۆت: “نوكه خواست ل سه‌ر بكارئینانا كاره‌بێ گه‌هشتییه حه‌فت هزار میگاواتێن كاره‌بێ، ل گه‌ل زێده‌بوونا به‌رهه‌مئینانا كاره‌بێ سالانه خواست ل سه‌ر بكارئینانێ ژی زێده دبیت، ئه‌ڤه ژی ب ئه‌گه‌رێ زێده‌بوونا رێژا وه‌لاتییان و ڤه‌كرنا كارگه‌ه و جهێن بازرگانییه”.
