خواندنا هونەری ب شێوازێ ئەكادیمی پتر رێخۆشكەرە
شاهۆ فەرید:
ئالا كچەكا خەلكا دهۆكێ یە، قوتابیە ل پشكا شانۆیێ ل پەیمانگەها هونەرێن جوان، د دیدارەكێ دا بۆ رۆژنامەیا ئەڤرۆ گۆت: هەتا نوكە من پشكداریی یا د نێزیكی بیست كارێن هونەری دا كری و هونەری خۆشی و ئارامی دایە من، چنكو هونەر مرۆڤی گەلەك د گوهۆڕیت، وەكو ئافرەت هەردەم زەحمەت بۆ هەیە ژلایێ جڤاكی ڤە بەلێ نوكە پتر خوە دناڤ كارێ هونەری دا گەهاندیە، هەتا رادەیەكێ باش پێشوازیێ ل كارێ ئافرەتێ دكەن، خواندنا هونەری ب شێوازێ ئەكادیمی پتر رێ خۆشكەرە بۆ ئەنجامدانا كاران و شاهرەزایەكا باش پەیدا دكەتن و چاڤەكێ دی بەرێ خوە د دەنێ.
زێدەتر گۆت: یامە دڤێت بۆ هونەری بهێتەكرن پالپشتیەكا باشە ژلایێ ماددی ڤە دا كارێن باشتر ئەنجام بدەین، دخوازین جهێن شۆلەژێ پتر گرنگیێ پێ بدەن دا هونەرێ خوە بگەهینە هەموو جهان بێ جوداهی یان چەند كەسانێن دەستنیشانكری، پەیاما من بۆ ئافرەتان هەر كارەكێ تە حەز ل سەر هەبیت بێ هیڤی نەبیت، بەلێ دڤێت كەسانێن دەوربەر چ ئاستەنگ و بەربەستا بۆ نە، خەونا وی ژناڤ بچیت بگەهیتە وی یا بڤێتن هەموو تشتەكێ ڤێ دونیایێ خۆشی و نەخۆشی تێدا هەنە بەلێ نەخۆشی ئەوە نەگەهیێ، جڤاك رێگریێ لێ نەكەت و ئافرەت خۆشی و ئارامی بژیتن.
