خواندنه‌كا دی ل سه‌ر مفایێن ڤایرۆسێ داعشێ!!
نێزیكی ساله‌كێ یه كوردستان د سه‌قایه‌كێ مژه‌وی یێ سه‌خت و دژوار دا ده‌رباز دبیت, رویه‌كێ وی سه‌قای یێ رۆن وزه‌لاله, وه‌كو كێشه‌یا ل گه‌ل به‌غدا و قه‌یرانا ئابووری, هه‌ر وه‌سا پێلێن شه‌ڕێ دورنده‌ترێن رێكخروا تیرۆرستی یه كو ب ناڤێ داعشه, دوژمنه‌كێ دیاره و ب زه‌ندوباسكێن پێشمه‌رگه‌هێ كوردستانێ و ئیرادا گه‌لێ كورد و خوینا شه‌هیدێن نه‌مر دێ ل به‌رۆكێن شه‌ڕی ئێكلابیت و سنۆرێن كوردستانا نوو ب خوینا عه‌گید و مێرخاسان هێته وێنه‌كرن, لێ خه‌له‌كه‌كا به‌رزه و ب ترس هه‌یه دوژمنێن ملله‌تێ كوردن یێن به‌رزه و د ناڤا كوردستانێ دا دژین ل بن كه‌ڤلوژانكێ كورداتیێ كارێ خوه یێ پیس و رۆله‌كێ خیانه‌تكاری د ڤێ هه‌ڤكێشێ دا گێرن, دڤێت هزرمه‌ند و رۆناكبیر و سه‌ركرداتیا كوردی و خه‌لكێ كوردستانێ ژ قووناغا خاپاندنێ ده‌رباز ببن و خالان داننه ل سه‌ر په‌یڤان, ڤێ خوله‌كێ ببینه ڤه, ئه‌ڤه به‌رپرساتیه‌كا مێژوویه, نه‌ك تنێ دكه‌ڤیته ستوویێ حوكمه‌تا هه‌رێمێ یان په‌رله‌مانێ كوردستانێ, پارته‌كا كوردی, لێ دكه‌ڤیته سه‌ر ملێن ملله‌تێ كورد و ئه‌ركه‌كێ گه‌له‌كێ پیرۆزه د ڤی ده‌میدا كو كوردستان ژ هه‌می ده‌مه‌كی پتر پێدڤی ب وژدانا كورداتیێ و ئێكرێزی و ئیك چه‌په‌ریێ هه‌یه، ژ به‌ر كو مه‌ترسی ل سه‌ر كوردستانێ یه, نه‌ك ل سه‌ر پارته‌كا ده‌ستنیشانكریه, یان چه‌ند كه‌سان ئه‌ڤه چاره‌نڤیسێ ملله‌ته‌كی یه, ده‌مێ خوینا شه‌هیده‌كی دئێته رێتن ژ هه‌می ملله‌تێ كورد دچیت. دڤێت هنده‌ك هه‌لویست رۆن و زه‌لال بن, كو به‌رسڤ بۆ كۆمه‌كا پرسیاران بهێته دان, بۆچی داعش هاته كوردستانێ؟, بۆچی (حه‌شد الشعبی) یان هێزێن بیانێ دئێنه كه‌ركووكی د ڤی كاودانی دا ده‌ستهه‌لادارێن كوردان ل كه‌ركووكێ د بێ ده‌نگن, بۆچی هه‌ولێن راگه‌هاندنا كانتوونان ل شنگارێ هێته د ڤی ده‌می دا, بۆچی دێ ده‌ستێ بیانیان ئیننه ناڤ كوردستانێ یان بۆ پاكرنا گرفتێن پارتاتی و به‌رژه‌وندیێن خوه ێین به‌رته‌نگ بۆچی دێ ب هزاران پێشمه‌رگه پشكداری د تێكشكاندنا هێرشێن دوژمنی دا كه‌ت و دێ رۆل و قاره‌مانی وه‌فادارایا كو خوینا خوه دكه‌نه قوربانی بۆ خاك و ئاخا كوردستانێ بنپێ دكه‌ن و به‌حسێ چالاكیا ده‌ه مرۆڤێن پارته‌كا دیتر دهێته كرن فه‌ره ب ناڤێ نه‌ته‌وا كورد به‌رسینگێ دوژمنان بهێته گرتن، نه ب ناڤێ پارته‌كێ یان كۆمه‌له‌كێ بیت، دێ بۆچی شه‌رڤانێن یه‌په‌كێ بنه به‌هله‌وانێن ده‌ڤه‌را به‌هدینان، ئه‌ڤه بێ رێزیه ل خوینا شه‌هیدێن كوردستانێ, دوژمنكاریه ل گه‌ل ملله‌تێ كورد, دڤێت ئه‌ڤ جۆره پارته یان مرۆڤه بهێنه سزادان ژ لایێ ملله‌تێ كورد ڤه, نه ب هه‌لئێخستنا شه‌ڕسه‌كێ ناڤخوه‌ی و رێتنا خوینا كوردان ب ده‌ستێ كوردان, لێ دڤێت هه‌لویست بهێنه وه‌رگرتن, گه‌لێ كوردستانی رێیێن دیمۆكراسی بگرنه به‌ر بۆ دانانا سنۆران بۆ ڤان كه‌س و لایه‌نان, برژێینه سه‌ر جادان و خوه‌نیشادانێن نه‌رازیبوونا دژی وان ئه‌نجامبده‌ن به‌یاننامێن نه‌رازیبوونی ده‌ربكه‌ن و ل هه‌لبژارتنێن داهاتی ده‌نگێ خوه نه‌ده‌نه ڤان جۆره لایه‌نان دا كو ده‌ست ژ ڤان كاران به‌رده‌ن. كوردان ل گه‌ل جیهانێ ستراتیژیكا هه‌ڤپشك دورسستكریه, رایا گشتی یا نێڤده‌ولی و هه‌می جیهان ل گه‌ل كوردان پشته‌ڤانن, لێ ئاگرێ كوردان ژ ده‌همه‌نا كوردان بخوه‌یه, چونكو كورد یێن ل شوونا هه‌می جیهانێ به‌ره‌ڤانیێ ژ مرۆڤاتێ دكه‌ن, شه‌ڕێ تیرۆرێ دكه‌ن, دڤێت مفا ژ ڤێ ده‌رفه‌تێ بهێته وه‌رگرتن و ئه‌ڤ كاروانێ مه‌زنێ قوربانیان ب هه‌روه‌یی نه‌چیت, ژبلی دیبلۆماسیا سه‌رۆكاتیا هه‌رێمێ و سیاسه‌تا حه‌كیمانه, گرانیا شه‌ڕێ داعشێ هنده‌ك تشت ژ ێكجودا كرن, قاره‌مان و نه‌قاره‌مان، وه‌فادار و خوه‌فرۆش, پارێزڤانیێن ئاخا كوردستانێ دیاركرن, سه‌ركرده و سه‌رۆك ژێكجوداكرن و بۆ گه‌لێ كورد باش رۆن و ئاشكه‌را بوو كانێ سه‌رۆك سه‌نگی د ده‌نه كورسیێ یان به‌روڤاژی؟یا مای ژی دكه‌ڤیته سه‌ر ملێن گه‌لێ كورد كو بریارێن چاره‌نڤێٍس ب هشیاری بده‌ن.
