خواندنه‌ك ل دۆر رێكه‌فتا ئه‌مریكا و ئیرانێ
دیاره ئه‌و ریكه‌فتنا هاتیه كرن ل ڤیه‌نا ریكه‌فتنه‌كا مێژویی بوویه چونكه ل سیه سالێن بوری هیچ كاره‌ك و رێكه‌فتنه‌كا ب ڤی ره‌نگی د ناڤبه‌را ئه‌مریكا و ئیرانێ نه‌بویه و سه‌ره‌رایێ هندێ كو په‌یوه‌ندین امریكا و ئیرانێ ل گه‌له‌ك كه‌نالان هه‌بوینه راسته ئه‌ڤ په‌یوه‌ندیه نه‌راسته‌وخو بوینه به‌لێ ل سه‌ر زور پرسان ناكوكی هه‌بوینه و دیسان هه‌مئاهنگی دهاته كرن نه‌خاسمه ل سه‌ر كه‌یسێ عیراقی و كه‌یسێ ئیرانی یێ ئه‌تومی.
ده‌ستپێكا ڤێ رێكه‌فتنێ دزڤریت بۆكومبونه‌كا نهێنی دنافبه‌را هه‌ردوو وه‌لاتان و پاشان كومبونا جنێف و لدیف دا كومبونا لوزان و رێكه‌فتن ب خو ژی ل ڤیه‌نا هاته به‌ستن گومان تیدا نینه ژ هه‌می لایه‌كێ ڤه دێ كاریگه‌ریا خو لسه‌ر روژهه‌لاتا نافه‌راست هه‌بیت و خواندنا مه بو گوتارێن سه‌روكێن هه‌ردوو وه‌لاتان :.
– سه‌روكێ ئه‌مریكا هه‌مبه‌ر ئوبسسیونه‌كا مه‌زن ل كونگرێسی ژلایێ كونگرسمانێن پارتا كوماری و هه‌ر نوكه گه‌فێن بكارئینانا ڤیوتیێ ل كونگرسی كرینه چونكه یازانیه كو لوبیێ ئیسرائیلی زور كارتێكرن لسه‌ر بریارا سیاسی یا ئه‌مریكی هه‌یه.
– ل ایرانێ ژی حزبێن رادیكالی دێ زور هه‌ولێن مه‌زن ده‌ن كو دژی رێكه‌فتنێ راوه‌ستن به‌لی خامانه‌ئی دێ ب هه‌می شیانێن خو پشته‌فانیا ریكه‌فتنێ كه‌ت چونكه سه‌روكێ ئیرانی و محمد جواد زه‌ریف وه‌زیرێ ده‌رڤه گرنتی ژ خامنه‌ئی وه‌رگرتنی نه ئانكو دێ ب ئاسانتر بیت بو ئیرانێ ژ امریكا لبه‌رامبه‌ر ئوبسسیونا حزبا كوماری و ئه‌ڤ رێكه‌فتنه مه‌زنترین سه‌ركه‌فتنا دبلوماسی بو ئه‌مریكا دهێته دیتن چونكه برێكا ئابلوقێن جورا وجور شیا ب رێكا ئاشتیانه ئیرانێ نه‌چاربكه‌ت بڤێ ریكه‌فتنێ و دیسان مه‌ترسیێن ئه‌مریكا ژ روژهه‌لاته‌كا ب چه‌كی نووی زورن چونكه دزانیت هه‌رده‌ما ئه‌ڤ چه‌كه بكه‌فته ده‌ستێن گروپێن رادیكالی یێن ئیسلامی ئاسایشا نه‌ته‌وه‌یی یا ئه‌مریكا و ئیسرائیلێ د مه‌ترسی دایه.
– ل سه‌ر ناڤه‌روكا رێكه‌فتنێ دیاره پێش نوكه ئه‌مریكا گومان ل سه‌ر باوه‌ریا ئیرانێ هه‌بویه لێ ئه‌ڤ رێكه‌فتنه ده‌رگه‌ه هه‌مبه‌ر گه‌روكێن ده‌ولی ڤه‌كرینه كو دماوێ 24 ده‌م ژمێران دشێن لێنێرینا پروژێ نووی ل ئیرانی بكه‌ن.
– ل به‌رامبه‌ر ڤێ ئه‌مریكا سوز داینه كو هه‌می وان ئابلوقێن برێكا نه‌ته‌وه‌ێن ئێكگرتی و هه‌فپه‌یمانێن وی داناینه ل سه‌ر ایرانێ راكه‌ت به‌لێ قوناغ قوناغ و ئه‌ڤه ژلایێ ئابوری ڤه پێنگاڤه‌ك مه‌زنه بو ئیرانێ و دشێت دوباره پێداچوونا په‌یوه‌ندیێن خو بكه‌ت.
– خالا دی یا سه‌ره‌كی رولێ ئیرانی ل عێراقی دایه دیاره پروژێ ئه‌مریكی دابه‌شكرنا عێراقێ بو سێ هه‌رێمان بویه و پروژێ ئیرانی بو پارێزگه‌ه بوونا عیراقێ یه دیاره ل سه‌ر فێ چه‌ندێ ناكوكی هه نه به‌لێ كارتێكرن لسه‌ر په‌یوه‌ندیێن وان ناهێته كرن چونكه ایران دێ زور هه‌ول و بزاڤان كه‌ت هه‌رێما كه‌ركوكێ دورست بكه‌ت تاكو راوه‌ستیت هه‌مبه‌ر پێنگاڤێن سه‌ربه‌خویا كوردستانێ و دویر نینه گه‌فێن دورست كرنا هه‌رێما سلێمانیێ بكه‌ت نه‌خاسمه ئه‌گه‌ر پروژێ دستوری نه‌هێته دانان ل هه‌رێما كوردستانێ و لسه‌ر ڤێ پرسێ هه‌لویستێ ئه‌مریكا ده‌رباره‌ی سه‌ربه‌خویا كوردستانێ رون نینه و دویر نینه جاره‌كا دی كوردستان ببته قوربانی ریكه‌فتنێن هه‌ردوو وه‌لاتان نه‌خاسمه ئه‌گه‌ر ره‌وشا كوردستانێ بفی ره‌نگێ نوكه بوریت.
– هه‌مبه‌ر پرسا تیرورستێن داعش و رژێما سوریێ ژی ناكوكی هه‌نه دنافبه‌را هه‌ردوو وه‌لاتان دا به‌لێ كارتێكرنه‌كا زور لسه‌ر رێكه‌فتنا وان ناكه‌ت چونكه نه‌راسته‌خو ل عیراقێ ئه‌مریكا و ئیرانی دژی داعش پێكڤه كاردكه‌ن.
ده‌رباره‌ی نافخویا ئیرانێ دیاره ل رێكه‌فتنا نهێنی دنافبه‌را هه‌ردوو وه‌لاتان دا ئه‌مریكا هاتیه رازی كرن كو هه‌مبه‌ر هه‌ر پرسه‌كا نافخو ل ئیرانێ بێ ده‌نگ بیت و كه‌یسێن دیموكراسی و مافێ مروڤی نه په‌رژینیت دژی ئیرانێ و پشته‌ڤانیا چ ئوبسسیونا نافخویا وی وه‌لاتی نه‌كه‌ت ب دیتنا مه كارتیكرنا فێ ریكه‌فتنێ دی لسه‌ر هه‌رێما كوردستانێ ژی هه‌بیت نه‌خاسمه ئه‌گه‌ر كورد بڤی شێوی نوكه یێ دابه‌ش بیت لسه‌ر دوو ستراتیجیه‌تێن ژئێك جیاواز و پێویسته كورد ستراتیجیه‌تا هه‌ڤگرتی دابرێژن بو قوناغا داهاتی تاكو بشێن خه‌ونێن خو ب چه‌سپینن چونكه د سیاسه‌تێ دا به‌رژه‌وه‌ند زال دبن ل سه‌ر زور پرسێن دی مه كوردان نه‌شیایه به‌رژوه‌ندیێن ده‌ولی دورست بكه‌ین بتنێ كه‌یسێ نه‌فتێ نه‌بیت له‌ورا ئه‌م دشێین ل یاریا سیاسی دا ل داهاتی رولێ خو بیینن ب ئێك ستراتیجیه‌ت نه‌ك پرت وبه‌لاف بین.
