خودانا فلمێ “مالا بێ بان” بۆ ئه‌ڤرۆ نيوز د ئاخڤيت
ئه‌ڤرۆ نيوز:
سینەما کارا گەنج سولین یوسف، ددیدارەکێ دا بۆ ئەڤرۆ گۆت: دەمێ ئەز زارۆ من دڤیا دوارێ شێوەکاریێ دا بخوونم، دووڤدا من دەست ب دیزاینا جلکان کر، پاشان من دەست ب شانۆ و ئەکتەری و سترانبێژیێ کر، پشتی من خواندنا خوە ب دوماھی ئینای من ل گەل کۆمپانیەکی ب ناڤێ (میتۆس فیلم) کارکر وەک ھاریکارا دەرھێنەری، پاشی من حەزکر ل زانکۆیێ پشکا سنەمایێ بھێمە وەرگرتن، لێ بەری مرۆڤ پێشکێشی زانکۆیان بکەت دڤێت کورتە فلمەکی چێکەت، من ژی کورتە فیلمەکی 10 خولەکی چێکر، ل وی دەمی نێزیکی 600 کەسان پێشکێشی وان زانکۆیان کربوون، ئەز ئێک ژ 7 قوتابیێن سالا 2008ێ ل باشترین ئەکادیمیا فلمان ل ئەلمانیا ھاتمە ھەلبژارتن، من شەش کورتە فلم چێکرن، یێ دووماھیێ ب ناڤێ (مالا بێ بان) بوو، من تیمەکا باش یا نڤیسەر و بەرھەمھێنەر و کامیرەڤانان چێکر، نوکە من بنگەھەک ھەیە ئەز دکارم ب کارێ سینەمایی بژیم.
گۆت ژی: سینەما کوردی ھێشتا یا گەنجە، و پێنگاڤێن مەزن نەھاتینە ھاڤیتن، ئەز بەحسێ پێنگاڤین ھونەری ناکەم، چونکو فلم و فلم چێکەرێن ب ناڤودەنگ دەرکەفتینە و ل فیستەڤالێن نێڤدەولەتی پشکداردبن، بەلکو ئەز بەحسێ سینەما کوردی وەک کلتۆر دکەم، ئەڤ کلتۆرە نەبوویە ژیانا مەیا رۆژانە، ب راستی حەیفە،چونکی فلم چێکەر نەبەسن، دڤێت مە تەماشەڤان ژی ھەبن.
ل دووماھیێ گۆت: فلمێ (مالا بێ بان) خەلاتێ مەزن ل چلەمین فیستەڤالا مۆنتریال ل کەندا وەرگرتیە و ئەز گەلەکا کەیف خۆشم دێ پشکداریێ د ڤێ فیستڤالێ دا کەم.
