خودانکرنا تەرش و کەوالی ل ناڤا سەنتەرێ قەزایێ ھاتە قەدەغەکرن
ئەڤرۆ نیوز، نەوزاد ھلۆری:
ب مەرەما نەھێلانا دیاردا خودانکرنا تەرش و کەوالی ل ناڤا سەنتەرێ قەزا ئاکرێ، ئەڤرۆ ھەر ئێک ژ رێڤەبەریا پولیسێن ئاکرێ و باژێرڤانی و لژنا نەھێلانانا زێدەگاڤیان بریارھاتەدان کو ھەرکەسێ دناڤا سەنتەرێ قەزایێ تەرش و کەوالی ب خودان بکەت دێ ھێتە سزادان.
دڤی واریدا زێرەڤان تەموو بەرپرسێ راگەھاندتا باژێرڤانیا ئاکرێ بۆ ئەڤرۆ نیوز گۆت: (ب مەرەما رێکخستنا ب خودانکرنا تەرش و کەوالی و دانا میکانیزمەکا گونجای بو خودانێن تەرش و کەوالی ئەڤرۆ ھەر ئێک ژ رێڤەبەریا پولیسێن ئاکرێ و باژێرڤانی و لژنا نەھێلانانا زێدەگاڤیان کومبوو و بریارھاتەدان کو ھەرکەسێ دناڤا سەنتەرێ قەزایێ تەرش و کەوالی ب خودان بکەت دێ ب گورەی قانونێ ھێتە سزادان).
زێدەتر گۆت: (پێدڤی یە وەلاتی و خودان تەرش و کەوال بەرژەوەندیا گشتی و ساخلەمیا وەلاتیان بەرچاڤ وەربگرن و ل دویری سەنتەرێ باژێری تەرش و کەوالی ب خودان بکەن داکو کارتێکرن ل ساخلەمیا وەلاتیان و جوانیا باژێری ژی نەھێتەکرن).
پێشتر خودانێن تەرش و کەوالی دخواست کو حوکمەت و لایەنێن شولەژێ ل دەرڤەیێ باژێری جھێن تایبەت ب خودانکرنا تەرش و کەوالی بو درۆست بکەن ، و نەچێکرنا جھێ، تایبەت بو وان سەدەما سەرەکی یا وێ یەکێ یە کو ھەتا نھا ئەو نەشیاینە جھێن خوە ل ناڤا سەنتەری باژێری دویر بێخن.
