خودانێ موه‌لیده‌یه‌كی كاره‌با نیشتمانی ب ئه‌مپێر ددا وه‌لاتیان
زاخۆ، عه‌لی حاجی:
رێڤه‌به‌رێ كارگێری ل ده‌ڤه‌رداریا زاخۆ بۆ رۆژناما ئه‌ڤرۆ دیار كر، بڕیارا ده‌سته‌سه‌ركرنێ بۆ خودانێ موه‌لیده‌یه‌كێ كاره‌بێ ده‌ركه‌فتیه، ژ به‌ركو كاره‌با گشتی وه‌كو ئه‌مپێرێ كاره‌با موه‌لیده‌ی ددا وه‌لاتیان.
وه‌لات هه‌جه‌ر، رێڤه‌به‌رێ كارگێری ل ده‌ڤه‌رداریا زاخۆ بۆ رۆژناما ئه‌ڤرۆ گۆت: “ل دووڤ بڕیارا دادوه‌رێ ڤه‌كۆلینێ ل دادگه‌ها زاخۆ، بڕیارا ده‌سته‌سه‌ركرنێ بۆ خودانێ موه‌لیده‌یه‌كی ل زاخۆ ده‌ركه‌فت، ژ به‌ركو ئه‌ڤه ده‌مێ سێ سالان بوو، كاره‌با نیشتمانی ب سه‌رپێچی ژ تاخه‌كی بۆ تاخه‌كێ دیتر ڤه‌گوهاستبوو، ئه‌و كاره‌با گشتی ژی وه‌كو ئه‌مپێرێ موه‌لیده‌ی ل سه‌ر 90 مالێن وه‌لاتیان دا به‌لاڤ دكر”.
گۆتژی: “ئه‌و كه‌سه ل دووڤ بڕیارا دادوه‌ری دێ هێته سزادان، سزایێ وی هه‌ر چ بیت”.
