خولا ئیراقێ دوبارە دێ هێتە ڕاوەستاند
قەیس وەیس:
فدراسیۆنا فوتبۆلا جیهانی فیفا یاریێن گەڕا پێنجێ و شەشێ یێن هەلبژارتیێ ئیراقێ ژ ڤاڤارتنێن كێشوەرێ ئاسیا دەربازبوون بۆ مۆندیالا 2026ێ دەست نیشانكرن ئەوا بڕیارە ل ناڤەڕاستا چریا دویێ یا بهێت هەڤدەمە دگەل ڤاڤارتنێن كێشوەرێن ئۆرۆپا، ئاسیا، ئەفریقیا و ئەمریكا باشۆر كو دێ بۆ ماوەیێ ئێك حەفتی هێتە ڕاوەستاندن.
ل دووڤ ژێدەرێن باوەرپێكری فدراسیۆنا فوتبۆلا ئیراقێ دێ نەچاربیت یاریێن خولا ستێران بۆ ئێك حەفتی ب ڕاوەستینیت ژبۆ دەلیڤەدان ب هەلبژارتیێ ئیراقێ بۆ هەردو دیدارێن خوە یێن گرنگ د خولێ دا ئەو ژی دگەل هەلبژارتیێ ئوردن دناڤ ئەرد و جەماوەرێ خوە ل 14ێ چریا دویێ دەمژمێر7:15 شەڤ، یارییا دویێ دێ ل 19ێ هەمان مەهـ بیتە مێڤانا هەلبژارتیێ عومانێ ل دەمژمێر هەشتی شەڤ،
د ناڤ خولا ستێرێن ئیراقێ دا هەر چار یانەیێن كوردستانی پشكدارن ئەو ژی دهۆك، زاخۆ، هەولێر و نەورۆز، یانەیا دهۆك سێ یاری ئەنجامداینە دو خوسارەتی دگەل زەورا و هەولێر و یارییا سێیێ ب سەركەفتنەكا گرنگ ل سەر یانەیا نەجەف ب گۆلەكێ ئینابوو، ژلایێ خوەڤە تیما فوتبۆلا یانەیا زاخۆ دگەل هەر ئێك یانەیا تەلەبە و نەورۆز وەكهەڤی ئینابوو د یارییا سێیێ دا سەركەفتنەكا مەزن ب پێنج گۆلان بێ بەرانبەر ل سەر مێڤانا خوە یانەیا كەربلا ئینابوو، ژلایێ خوەڤە یانەیا هەولێر سەركەفتن ل سەر دیالا و دهۆك ئینابوو لێ بەرانبەر زەورا ب گۆلەكێ وەكهەڤبوو، یانەیا سێیێ تیما یانەیا نەورۆزە ئەوا دگەل كەربەلا و زاخۆ وەكهەڤی ئینایی و دیارییا سێیێ دا بەرانبەر كارەبا تووشی خوسارەتیێ بوو.
