خولا ئیراقێ هاتە ڕاوەستاندن و كۆپا دێ دەستپێكەت
فدراسیۆنا فوتبۆلا ئیراقێ بڕیار دا یاریێن گەڕا حەفتێ ژ هەڤڕكیێن خولا ستێرێن ئیراقێ بهێنە پاشئێخستن هەتا 21ێ ڤێ مەهێ ژبەر پشكدارییا هەلبژارتیێ ئیراقێ د ڤاڤارتنێن پاشكۆ یێن دەربازبوون بۆ مۆندیالا جیهانی، د هەمان دەمدا ڕاگەهاند دێ دووماهییا ڤێ حەفتیێ دەست ب هەڤڕكیێن گەڕا 32ێ یا كۆپا ئیراقێ ب پشكدارییا 20 یانەیان هێتە كرن، 10 یانەیێن پلا نایاب، 10 یانەیێن دووماهیێ یێن خولا ستێرێن ئیراقێ ل وەرزێ بۆری، دوهی پشككێشان بۆ هاتبوو كرن ئەوا یاریێن ڤێ گەڕێ دێ بڤی شێوەیی هێنە ئەنجامدان.
دهۆك- ئەلحسێن
ناسرییە- هەولێر
نەورۆز- ئەلبەحری
رومادی- ئەلگەرمە
حدود- كەرخ
مەسافی- مینا
غاز ئەلشیمال- ئەلقاسم
نەفت میسان- نەفت ئەلبەسرا
كەربەلا- ئەمانەت بەغدا
مووسل- حەشد شەعبی
بۆ زانین یاریێن ڤێ قۆناغێ دێ ئەینی و شەمبییا بهێت دەستپێكەن، ئەوا دێ یاریێن وان ب شێوەیێ كەڤتنا ئێكجاركی بیت، سەركەڤتیێن هەر یارییەكێ ئێكسەر دێ دەربازبنە قووناغا 16ێ ژ كۆپا ئیراقێ، شەش یانەیێن وەرزێ بۆری ل ڕێزێن ئێكێ هاتبوو دێ دگەل یانەیێن دەربازبوویی دبنە 16 یانە و دێ پشككێشان بۆ هێتە كرن، هەژی گۆتنێ یە هەر شەش یانەیێن دقووناغا شانزدێ دا هەر ئێك ژ، شورتە، زەورا، تەلەبە، جەوییە، زاخۆ و نەجەف دێ چاڤەرێ تیمێن دەربازبووی بن.
