خولا ستێرێن ئیراقێ دێ هێتە ڕاوەستاندن
فدراسیۆنا فوتبۆلا ئیراقێ ڕاگەهاند كو هەڤڕكیێن خولا ستێرێن ئیراقێ دێ پشتە ب دووماهی هاتنا یاریێن گەڕا سێیێ هێتە ڕاوەستاندن، ب مەرەما بەرهەڤیێن هەلبژارتیێ ئیراقێ بۆ ڤاڤارتنێن مۆندیالا جیهانی 2026ێ هێنە كرن.
غالب زاملی ئەندامێ فێدراسیۆنا بۆ دەزگەهێن ڕاگەهاندنێ گۆت: ل پێنجێ مەها بهێت ئانكو پشتی ب دووماهی هاتنا هەڤڕكیێن گەڕا سێیێ، بڕیار هاتە دان خولا ستێرێن ئیراقێ بهێتە ڕاوەستاندن ژبۆ باشترین بەرهەڤیێن هەلبژارتیێ ئیراقێ بۆ یاریێن پاشكۆ یێن ڤاڤارتنێن دەربازبووی بۆ مۆندیالا جیهانی 2026ێ، ئەوا بڕیارە ئێكەم یارییا خوە دگەل هەلبژارتیێ ئیندۆنیزیا ل 11ێ مەها بهێت بكەت، دووڤدا ل 14ێ هەمان مەهـ دگەل خودانێن ئەردی هەلبژارتیێ سعۆدیێ بكەت، ڕاهێنەرێ مە گێرهام ئارنۆلد دێ كۆمەكا مەزن یا یاریزانێن د خولا ستێرێن ئیراقێ دا گازیكەت لەوما ژی نەچارین خول بهێتە ڕاوەستاندن.
