خولا ستێرێن ئێراقێ سزادا
حاجی دوسكی
كەس نەشیت وەرزشێ ب گشتی و فوتبۆلێ ب تایبەت و جەماوەری ژێكڤەكەت هەر دەمێ یارییەك هاتبیتە ئەنجامدان بێ جەماوەر هیچ خوشیەك نەبوویە، ئامەدەبوونا جەماوەری زور دناڤ یاریگەهێ دا پتر كارتێكرنێ لسەر ئاست و ودەرونێ یاریزانی دكەت، هەمی دەما گوتیە جەماوەر یاریزانێ هژمارەیا دوانزدێ یە، لێ بەروڤاژی دنوكە دا جەماوەر بوویە بڕبڕا تیمێ گەلەك دەما جەماوەر بوویە خالەكا سەرەكی بو سەركەفتنا تیما خۆ، نە خوشترین یاریی ئەوە یا بێ جەماوەر دهێتە كرن، دبەرمبەردا بەشەك ژجەماوەری گەلەك یارییا بووینە بارگرنی بۆ یانەیا باژیرێ خۆ ژبەر هندەك ڕەفتارین نە جوان و یانە هاتینە سزادان كۆژمەیەكێ پارەیی یان بێبەهركرنا جەماوەری ژ دیتنا یاریی.
ئەو سزیا هاتییە ڕاگەهاندن ژ فدراسیۆنا فوتبۆلا ئیراقێ دژی جەماوەرێ هەردو یانەیێن دهۆك و زاخو راستێ جهێ سەرس‌ورمانییە ئەگەر پسیار بهێتەكرن ژ كەسەكی بیانی سزایەكێ ڤی جوری دژی ڤان یانەیان هاتییە سەپاندن دبیت هزربكەت كۆ جەماوەر بووینە ئەگەری چەند پشتەڤان گیانێ خو ژدەستداین یان ئاگر بەردایە یاریگەهێ لەۆرا تووشی ڤێ سزایێ بووینە، لێ یامە دیتی یاریی ژلایێ ئێمناهی و سلامەتی دەربازبوویە ژبلی وی چەندێ هژمارەكا كورسیكا هاتنە شكاندن ئەف دیاردە دوباربیت دناف هەمی یاریگەهێن جیهانێ ودێ یابەردە وام بیت ئەرێ سزا یی شكاندنا جهێ روونشتنا جەماوەری مەزنترە یان كوشتنا ڕاهێنەرێ یانەیا كەربلا محەمەد عەباس ژلایێ هێزین ئەمنی ڤە ل یاریگەها كەربلا ل سالا 2013مە نەدیت یانە هاتە سزادان یان چەندین جارا جەماوەرێ باشوری ئێراقێ یانەیێن كوردستانێ ناڤێ داعش گازیكرنی شیوەیەكی كوم، لڤێری دیاربیت ئەف جورە سزایە نە دارشتینە ل دووڤ بەندێن یاسایی بەروڤاژی كەسۆكینە هەروسا بۆ بەرژەوندیێن كەسی تایبەت دەمێ هەلبژارتنا فدراسیونا ئێراقێ نێزیكە بو دەستڤە ئینان دەنگا، ئەز هوسا هزركەم ئێدی یانەیێن كوردستانێ دێ تووشی سزا كەن هەر ڕێكا هەبیت بچووكترین خەلەتی دێ مەزنترین سزا وەرگرن یادیارە ئەفچەندە یا دروست كریبوو ئەگەر ئەف فدراسیۆنە ل دووف یاسایێ چیت بوو راهێنەر عەبدولغەنی شەهەد هاتیە سزادانا سفك، لڤێری دێ بێژم رەوشا خولا ستێرێن ئێراقێ یانەیێن كوردستانی نە ژبەر ئامەدەبوونا جەماوەری هەروسا وان یاریگەهێن جوان و ڕێكوپێك ئەگەر ئەف سزایە نە هاتە كێمكرن ڤێ چەندێ فدراسیۆنی خول هەمی سزدانە نەك جەماوەرێ دهۆك و زاخو بتنێ.
