خولا كوردستانێ دێ ب شێوەیەكێ جودا بێی پشكدارییا دهۆكێ هێتە كرن
شاهۆ فەرید:
چاڤەڕێ یە ل دەستپێكا چریا دویێ یا بهێت هەڤڕكیێن وەرزێ نوو یا خولا فوتبۆلێ بۆ یانەیێن پلا نایابا كوردستانێ ب پشكدارییا 16 یانەیان دەستپێبكەن ئەوا دێ بشێوازەكێ نوو و پشكدارییا رێژەیەكا باش یا دادڤانێن پارێزگەهێ هێتە كرن.
ل دۆر ڤێ یەكێ ئازاد محەمەد ئەندامێ فدراسیۆنا فوتبۆلا كوردستانێ بۆ رۆژنامەیا ئەڤرۆ دیار كر: ل دووڤ بەرنامەیێ رێكخستی بۆ وەرزێ نوو یێ خولا پلا نایابا كوردستانێ بەرهەڤی گەهشتینە قۆناغا دووماهییێ ئەوا بڕیارە خول ل حەفتێ مەها بهێت دەستپێبكەت، خولا بهێزكرنێ یا كۆپەر بۆ دادڤانێن خولێ هاتبوو دانان و كۆمەكا باش و شارەزا هاتینە دەستنیشانكرن بۆ بڕێڤەبرنا یارییان، دووڤدا دێ خولەكا دووماهی پێشهاتە و پێزانیان بۆ سەرپەرشتێن یارییان هێتە ڤەكرن ئەوێن د پلا ئێك دا بۆ نایاب بهێنە سەرئێخستن، دیسان لژنەكا دۆڤچوونێ هاتبوو پێكئینان و سەرەدانا هەموو یاریگەهێن یانەیێن پشكدار كرینە ژبۆ وەرگرتنا پێزانیان هەروەسان ل دووڤ ستاندەرێن دیاركری كو مەرجێن سەلامەتیێ بۆ پاراستنا دادڤانان ژ هەر توندۆتیژیەكێ و دڤێت پەلۆكێن یاریگەهێ ژ هێلا یاریگەهێ دووربن پێخەمەت چو ئاریشە ژلایێ جەماوەری پەیدا نەبن و دۆپاتی هاتییە كرن هەر تیمەكا توندۆتیژیێ دژی دادڤانان بكەت دادڤانی مافێ هەیی یاریێ ب راوەستینت و ل دووڤ بڕیاران سەرەدەریێ دگەل یاریێ و هەردو تیمان بكەت.
ژلایەكێ دووڤە ناڤهاتی دیاركر بۆ وەرزێ نوو پێنگاڤێن باش دێ هێنە هاڤێژتن پێخەمەت وەرزەكێ سەركەفتی و ڕێنما و ڕاسپاردە هەبن و دڤێت هەموو یانە بێ جوداهی پێگیریێ پێ بكەن و گۆت: وەكو فیدراسیۆن مە نڤیسارەك پێشكێشی هوبا دارایی كریە دا مافێن دادڤانا یێن وەرزێ پێشتر بۆ پارڤەكەن بەری دەستپێكرنا خولێ، بەرهەڤیێن جاما سوپەرێ ژی هاتینەكرن ئەوا دێ دناڤبەرا یانەیا ئاكرێ و هندرین دا بیت ل باژێرێ ئاكرێ یاریی هێتەكرن، ئەڤ سالە مە پلەبەندی كریە و هەر خولەكێ لۆگویەكێ تایبەت بۆ هاتیە دەستنیشانكرن و سۆپەرێ هەمان شێواز، ئەڤی وەرزی ئەم ل سپونسەرا دگەریێن بۆ هەموو خولا و جاما سۆپەر ژی ئەڤ سالە گوهۆرینێن باش كرینە و پرۆپۆزەل هەموو وان جهیێن دڤێن ببنە سپونسەر هاتیەدان.
ئازاد محەمەد گۆت ژی: سەرۆك وەزیران مەسرور بارزانی چاڤدانەكا هەری باش دایە ژێرخانەیا وەرزشێ ئێكەم پێنگاڤ و یاریگەهێن نوو هاتینە دانان و رێكا چێكرنا چەند یاریگەهێن دی هاتیەدان، بۆ وەرزێن بوری حەفت سەد ملیۆن هاتبوونە مەزاختن ئەڤ سالە ژی هەمان بۆدجە مە داخواز كریە، چەندیین قەر و پێداویستی مە پێ هەین داخوازكرینە، مە پلان هەیە مافێ پەخشێ یاریا كۆمپانیەكێ بدەین ئەوا فروتیە كەنالان و تێدا دیاركەین یاریێن گرنگ ئەسمانی ژی بهێنە پەخشكرن، كەنال هاتینە داخوازی كرینە پەخشتی تنێ بخوە ببەت بەلێ ژبەر پارەیێ مە پرۆپۆزەلی دەستنیشانكری پێك نەهاتینە.
دووماهیێ گۆت : هەتا ڤی دەمی هیچ بڕیارەك نەهاتیەدان بۆ زێدەكرنا یانەیانێن خولێ و هەردو یانەیێن دهۆك و سۆران دا كەفتینە بۆ پلەیا ئێك و هەردو نونەرێن پارێزگەها دهۆكێ دێ یانەیێن ئاكریێ و زاخۆبن.
