خونیشادان ژ بۆ راگههاندنا دهولهتا كوردستانێ ژ فهركارایه
ل دۆر راگههاندنا دهولهتا كوردستانێ هێزێن سیاسی ل سهر دو باسكان پارڤه بووینه، باسكهك كو سهركێشیا وی، پارتی دیموكراتی كوردستان دكهت، یا رژده كو دهمێ راگههاندنا دهولهتا كوردستانێ یێ هاتی و ب دیتنا وێ، ههمی فاكتهرێن دهولهتێ ل بهر دهستن، تنێ یا مای ب رهنگهكێ فهرمی ئهڤ پێنگاڤه بهێنه هاڤێتن و ژ بوَ ڤێ چهندێ ژی، دهست ب دان و ستاندنان ل گهل ئیراق و وهلاتێن دهور و بهر و دونیایێ بهێنه كرن و بزاڤ بهێنه كرن، ئهڤ راگههاندنه ب رهنگهكێ تهنا و بێ دژواری بیت، باسكێ دویێ، كو سهركێشیا وێ ئێكهتیا نیشتیمانی و بزاڤا گۆرَان دكهتن، ل گهل ڤێ بوَچوونا پارتی دههڤدژن و دبێژن هێش دهم نه هاتیه و كۆمهكا ئاستهنگان ل ههمبهری ڤی كاری ههنه و نابیت نوكه ئهم ڤێ چهندێ بكهین، یا فهره ئهم ل گهل ئیراقێ بمینین و ئیراق وهلاتێ مه ههمیانه. ههر ژ بهر ڤێ ئهگهرێ و دو باسكیا هێزێن سیاسی، جڤاك ژی ههر ب وی رهنگی بوویه دو پشك، پشكهك پشتهڤانیا باسكێ ئێكێ دكهت و پشكا دیتر پشتهڤنیا باسكێ دویێ دكهت و باسكێ دویێ وهسا بهلاڤ دكهت و خهلكێ تێدگههینیت كو خودانێن ڤێ هزركرن و پڕوژهیی، رێكلامهكا رویتا حزبیه بوَ خوه دكهن، نه زێدهتر. باسكێ ئێكێ ب وێ چهندێ گونههبار دكهن، كو وان دڤێت ب ڤی درویشمی ئاریشه و ئالۆزیێن د كوردستانێ دا ههین، ڤهشێریت و ژ بهرپرسیاریا وان برهڤیت، بهرسڤا باسكێ ئێكێ، نه ب تنێ ب درووشم و گۆتنانه، بهلكو ب كریار، یێ بزاڤێن مهزن دكهت، ههمی دونیایێ تێبگههینیت، كو ئهڤه مافێ مهیه و ئهم دێ ڤێ پێنگاڤێ هاڤێژین و ئهم پێدڤی ب پشتهڤانیا ههوهینه.
د گهل ڤێ چهندێ دا نوكه باسكێ دویێ، یێ بزاڤێن مهزن دكهت، ئهنیهكا سیاسی دروست بكهت و وان ههمی هێز و ئالیێن سیاسی یێن نێزیكی هزركرنا وان د ڤی چهپهری دا كۆمبكهت، ب وێ هێزا نوو بكهڤیته د ههڤركیا باسكێ ئێكێ دا، ئێك ژ نیهت و مهرهمێن ڤی باسكی د ڤان ههجهت و گۆتنادا ئهوه، داكو ئهڤ پرۆسێسه سهرنهگریت، یا ئێكێ داكو دلێ ههڤالبهندێن وان ژێ دلگران و توره نهبیت، یا دویێ داكو خودانێن وی پرۆژهیی شكهستنێ بینن و ئهو دهستكهڤت بوَ وان نهمینیت و بوَ وان خهم نینه، كو گهلێ كوردستانێ ههتا پێنجی سالێن دیتر ژی ب ڤی مافێ خوه شاد نهبیت.
بێخش د ڤێ ههڤكێشێ دا، كوردستان جارهكا دی دێ كهڤیته بهر گێژهڤانكهكا بێ دووماهی، دیسا رێتنا رووبارێن خوینێ دێ دهست پێ كهنهڤه و چو دووماهیك ژی نابن، ئهڤه باشترین دهم و دهلیڤهیه كوردستان سهربخو ببیت، چو جارا جڤاكا نێڤدهولهتی ب ڤی رهنگی و هوسا یا پشتهڤان و هاریكار نهبوویه بوَ خهلكێ كوردستانێ و ل دووڤ ژێدهرێن باوهر پێ هاتی ههتا نوكه پتر ژ 60 وهلاتان بهرههڤیا خوه دهربڕیه، كو دهڤگۆتێ ب دهولهتا كوردستانێ بكهن، ئهمریكا و روسیا ژی جارێ دێ بێ دهنگ مینن و ل دژی دهولهتا كوردستانێ راناوهستن، كو ئهڤه تشتهكێ گهلهك گرنگه بوَ مه و ل دووڤ هزركرنا شروَڤهكار و هزرمهند (پیتهر هالدن) فاكتهرێ دهرڤه ب هێزترین فاكتهره و دهولهتێن نوو ئاڤا دبن پشتا خوه ب ناڤخویا جڤاكا گهرم ناكهن، كو ئهو ژی دڤێن ملهتهك ههبیت و ل سهر ئاخهكێ بژیت و رێكخستنهك ههبیت و ئهو هزر دكهت پشتهڤانیا ژ دهرڤه سهری ل وان ههمی فاكتهرا دستینیت و بهر ب نهمانێ دبهت.
ژ بهر ڤان ههمی ئهگهران و ڤێ دهلیڤا زێرین، یا فهره باسكێ ئێكێ یێ هێزا سیاسی یا كوردستانێ بێ دودلی ڤی پروژێ خوه رابگههینیت و د گهل هندێ دا ژی، بزاڤ بهێنه كرن ناڤمالیا خوه ژی بكهنه ئێك هزر و ئێك هێز و ههكه ئهڤه ههر چێنهبوو، كو یا چاڤهرێكریه چێبوونا وێ دێ گهلهكا ب زهحمهت بیت و ڤهكێشیت، بلا خوه ل ڤێ چهندێ نهگرن و پێنگاڤا خوه ب هاڤێژن و پتریا ملهتی دێ پشتهڤانیێ لێ كهت، ژ بهر كو ههر كهسهكێ ل ڤی وهلاتی ژیایی، بههر و پشك د ژان و دهردێن داگیركهران دا ههبوویه، نوكه چ وهلات یێ كو ئیمپریالیزما ئنگلیزی چێكری و ناڤ لێ ئینایی ئیراق، د راستی دا نهمایه و ب تنێ ناڤ ل سهر پهر و وهرهقا مایه، ههكه لهز ل ڤێ چهندێ نههێنه كرن یا فهر و پێدڤیه وهلاتیێن كوردستانێ ب رژیێنه سهر جادا و ئالیگر و خودانێن ڤی پروَژهیی نهچار بكهن، پێنگاڤا خوه بهاڤێژیت و ژ هزار تهوكلیا ئێك خراب دهردكهڤیت و ئهو ژی مسوگهر نابیته ئهڤه.
