خوه‌نيشاندان دژى گرانبوونا بهايێ پانزينێ ده‌سپێكرن
ئه‌ڤرۆ نيوز، فاتما مزوورى:
وه‌لاتیێن باژێرێن كاپ هایتی و پۆرتۆ پرێنس ل وه‌لاتێ هایتی ب سه‌ده‌ما گرانبوونا بهایێ پانزینێ خوه‌نیشاندان ئه‌نجام دان.
خوه‌نیشانده‌ران ئاگر به‌ردا تایران و جاده‌یێن سه‌ره‌كی ل وان دو باژێران و داخوازا كێمبوونا بهایێ پانزینێ كرن و هه‌روه‌سا بڕیاره ئه‌و خوه‌نیشاندان به‌رفره‌هـ ببن و باژێر و باژێركێن دن ژی به‌شداری یا خوه‌نیشاندانان بكه‌ن.
خوه‌نیشاندان پشتی وێ یه‌كێ هاتن كو وه‌زاره‌تا بازرگانی و وه‌زاره‌تا ئابووری د داخویانیه‌كا هه‌ڤبه‌ش دا راگه‌هاندبوو كو بهایێ پا‌نزین و په‌ترۆلا سپی دێ 38% هه‌تا 51% گران بن و ئه‌و گرانبوون ژی ژ ئه‌ڤرۆ كه‌فته وارێ بجهئينانێ.