خوهنیشادانێن سلێمانیێ بیرا مرۆڤی ل دیمهنێ سووریێ دئینن!
ئهو پتر ژ دو مههان بوو خهلكێ دهڤهرا كهسكنشین ل هندهك دهڤهرێن سلێمانیێ و گهرمیان و ههلهبجه، وهك نهرازیبوونهك ههمبهر سیستهمێ دانا مووچهى و پاشكهڤتى ل ههرێمێ، دهست ب بایكۆتكرنا دهوامێ كربوو. وهسا دیاربوو، چ بهرپرسێن ئاست بلند د حوكمهتا ههرێمێ دا گوهداریا وان نهكر.
ل ڤان رۆژێن دووماهیێ ئهزێ دبینم، گوهۆڕینهك د گۆتارا مامۆستا و فهرمانبهرێن نهرزاى دا ل دهڤهرێن كهسكنشین پهیدا بوویه و ئێدى شێوازێ بایكۆتكرنێ بهر ب خوهنیشادانان و گۆتنا سلۆگان درووشمان دژى دهستههلاتا ههرێمێ چوویه و پهسنا حوكمهتا فیدرال دكهن كو بچنه دگهل وان كو مووچهیێن وان بۆ بمهزێخن. ئهڤ گوهۆرینا د گۆتارا خوهنیشاندهران دا پهیدا بووى، بیرا من و رهوشا سووریایێ بهرى پێنج سالان دئینت، دهمێ ئهنجامێ بهارا عهرهبى ژ تونسێ دهست پێ كرى، خوهنیشادان ل سووریێ ژى هاتینه كرن و داخوازیا وان ئهو بوو كو دهستههلاتا وى وهلاتى دهست ژ دهستههلاتێ بهردهت و ههلبژارتنێن دهمۆكراسى بهێنه كرن. لێ كهسێ گوهداریا وان نهكر.
دووماهیێ دیمهن بهر ب سووریا نها ئهم ههمى دبینن چوو، ئاگرى تهروهشك پێكڤه سۆتن و ژ دهستێن ههمیان دهركهفت. راسته دهستههلات ل دهڤهرا زهرنشین وهسا دبینت كو نهرازیبوون و خوهنیشادان تنێ نها ل دهڤهرێن كهسك نشینن، لێ باوهر بكهن دهمێ كهربا جهماوهرێ كهربگرتى دپهقیت، پێلێن وان یێن هار و دین، چ دهڤهران نانیاسن! واته چاوا ل سووریێ ل باژێرێ (درعایێ) دهست پێ كر رانهوهستا ههتا ئاگرى خوه ل ههموو دهڤهرێن سووریایێ دای؟! ئهڤجا ئهز دبینم گوه نهدانا دهستههلاتێ ب داخوازیێن خوهنیشاندهرێن سلێمانیێ و گرتنا (بزاڤا گۆرانێ) نیڤهكا دارى ل ناڤبهرا دهستههلاتێ و ئۆپۆزسیۆنێ، دێ رهوشا ههرێما كوردستانێ بهر ب ئاقارهكێ نهدیار بن، نهمازه ژناڤچوونا داعشێ ل سنوورێن ههرێما كوردستانێ نێزیك بوویه. باشتر ئهوه دهستههلات تایبهت (پارتى و ئێكهتى) گوهداریا خوهنیشاندهران بكهن و رێزێ ل داخوازیێن وان بگرن و داهاتێ ههرێمێ بۆ رایا گشتى زهلال بكهن، تایبهتی داهاتێ پترۆلێ، ههكه باوهرى بۆ خهلكى پهیدا بوو كو داهات ههر ئهڤهیه، رهنگه باوهریهك و تهنایهك ل جاددهیا ههرێمێ پهیدا ببیت.
ژ ئالیهكێ دى ئهڤ پارتێن رۆلێ ئۆپۆزسیۆنێ دگێرن تایبهت (بزاڤا گوڕان و كۆمهلا ئیسلامێ) دڤێت خوه ئێكلا كهن یان ژ حوكمهتێ دهركهڤن و ببنه ئۆپۆزسیۆن یان بهێنه ئاشێ هوور و دهست ب دانوستاندنان بكهن، ههكه نه ههر تشتهك نهخواستى چێ ببیت نابێژن ئهڤه (پارتی یه) و ئهڤه (ئێكهتى و گۆران ئێكگرتوو و كۆمهلهنه) ئهنجام دێ دوێرانكار بن، نهمازه ئهڤرۆ دهڤهرا رۆژههلاتا ناڤێن ههمى ئاگرهكێ مهزنه و ب تنێ ههرێما كوردستانێ ب رێژه تهنایه.
