خوه د سترانێن ده‌واتان دا نابینیت
ئه‌ڤرۆ:
ئاری مه‌ستو، سترانبێژێ رۆژئاڤایێ كوردستانێ ددیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: هه‌ر هونه‌رمه‌نده‌كێ هونه‌ره‌كێ پاقژ بكه‌ت حه‌ز ژێ دكه‌م و هه‌تا نوكه من هزر نه‌كریه و حه‌ز نه‌كریه سترانه‌كا دوقۆلی ل گه‌ل كه‌سێ چێكه‌م، چونكو من چ ده‌نگ نه‌دیتینه ل گه‌ل ده‌نگێ من بگونجن و هه‌موو جورێن سترانا دبێژم، به‌لێ حه‌ز ژ سترانێن ئه‌ڤینی دكه‌م و دشێم هه‌تا پێنچ ده‌مژمێران ل سه‌ر ئێك بێ راوستایان سترانێن ئه‌ڤینی بێژم.
مه‌ستوی گۆت: سترانان بتنێ د كلیپان و كونسێرتان دا دبێژم و ل ده‌واتان نابێژم و ئه‌ز خوه تێدا نابینم و ئه‌ڤه بۆ ده‌مێ پتری پازده سالایه كارێ هونه‌ری دكه‌م و سترانان دبێژم هه‌تا نوكه من پاره نه‌كریه ئارمانجا خوه و بتنێ ستران گۆتن حه‌زا منه و بۆ هونه‌ری پاران ژ كیستێ خوه دمه‌زێخم و من دڤێت هونه‌رێ كوردی ده‌وله‌مه‌ند بیت.
