خوه وهك نیعمهتا خودێ نهبینن!
ماشالا و مخابن گهلێ كورد خودان ب دههان پارتێن سیاسى یێن جودا جودانه و ههكه ل دووڤ كهلتورێ دیمۆكراتیك، رێزگرتن و نهتهوى بیت ئهمێ بێژین ماشالا كو ئهم خودان ب دههان پارت و ئالیێن سیاسى نه و ئهم دهولهمهندین، لێ مخابن ههر ههموو ژى دوژمنێن ههڤدونه و ل دژى ههڤدو گهلهك ژیر و دژوارن! و ههر پارتهكا كوردى خوه وهك نیعمهتا خودێ دبینیت و نهرهخنه و نه ژى پهیڤهكا ل دژى خوه قهبوول ناكهن و بهرسڤا وان ل ههمبهر رهخنا ژى وهك ههڤدویه، ئانكو ب تنێ د دهمێ بهرسڤدانا رهخنان دا گهلهك نێزیكى ههڤدونه و بهرسڤا وان ژى ئهڤهیه (ئهم بۆ ههوه خهباتێ دكهین).
ل گهلهك وهلاتێن جیهانێ تێكۆشین و شهر بۆ ئازادیێ هاتیه مهشاندن و گهلهك ژ وان ژى گههیشتینه مهرهما خوه و شیانه ئازادیهك و یهكگرتنهكا جڤاكى دروست بكهن. ئانكو ئهم نهتاكه ملهتین كو بۆ ئازادیا خوه شهڕی و خهباتێ دكهین و حهتا نها چ پارتهكا سیاسى ژ بلى پارتێن ئولى ل جیهانێ نه گۆتنه خهلكێ هوین چ دخوازن؟ ما ئهم بۆ كێ شهری دكهین؟.
ههكه ئهم بهێینه سهر قووناغا ئهڤرۆ یا ئهم تێدا دژین كو قووناغهكا گهلهك ههستیار و مهترسیداره و د رهوشا نها دا پێدڤیا مه وهك گهلێ كورد ب گۆتارهكا یهكگرتى یا نهتهوى ههیه، ئانكو گهلهك ئاسایی یه ههر پارتهك ژ پارتا دى جودا هزر بكهت و خودان ئایدۆلۆژیهكا جودا بیت، لێ تشتێ نهئاسایى و مهترسیدار ئهوه كو مهرهمێن پارتاتى دگهل ئارمانج و بهرژهوهندێن نهتهوى بهێنه تێكهلكرن و بكهڤنه پێش بهرژهوهندێن نهتهوی. مخابن نها كارهساتا كو ئهم ل كوردستانێ راستبووینێ ژى ههر ئهڤهیه و ئارمانجێن نهتهوى كهڤتینه د بن سیبهرا ئارمانجێن پارتاتى دا و ئهڤ یهكه مهترسیا ل سهر كوردستانێ گهلهك دژوارتر دكهت. ههكه پارتێن مه راست بن و نه یاریا دهستێ داگیركهرێن كوردستانێ بن دڤێت د قووناغا نها دا كو دهلیڤا بجهبوونا خهونا دهولهتا كوردى زێده بوویه ل دووڤ مێزا نهتهوى كۆم ببن و بهرژهوهندێن پارتاتى بدهن رهخهكی، نوونهرێن هندهك پارتێن سیاسى دشێن ئهو هنده چاڤێن خوه سۆر بكهن و پێ ل خوینا شههیدان بكهن و داخواز ژ دهولهتهكا داگیركهر بكهن باژێرهكێ كوردستانێ كو ب خوینا هزاران شههیدان هاتیه ئازادكرن ب داگیركهران را بهێته گرێدان، چ ئایدۆلۆژى، بهرنامێ سیاسى و بهرژهوهندى ئهو هنده پیرۆزه كو ئاخا ئازادكرى یا كوردستانێ پێشكێشێ دهولهتهكا خودان كریارێن كیمیابارانكرنا ههلهبجه و ئهنفالێ بهێته كرن.
گهلێ كورد نها ژ ههر دهمهكى زێدهتر نێزیكى ئاڤاكرنا دهولهتا سهربخۆ بوویه و ژ بلى خوهكوژى و ئهڤینداریا ژ دوژمنان را چ تشت نهشێت ل ههمبهر دهولهتبوونێ ببیته ئاستهنگ، لێ مخابن راگههاندنا كوردى ههر یهك ل پهى پهیداكرنا ئالۆزیهك و دژاتیهكا دژوارن و د مالێن خوه دا د ناڤا رهحهتیێ دا پارتان ل دژى ههڤدو بۆ شهرهكى خوهكوژى هان ددهن و نها ئهز دخوازم بۆ راگههاندنێن پارتێن كوردى ڤێ یهكێ پرسیار بكهم، بۆ چ ئهو هنده حهز ژ خوهكوژیێ دكهن؟ ما ئهو هنده ئهرزانه رژاندنا خوینا كوردان؟ حهتا نها ژى برینێن شهرێ براكوژى ئانكو خوهكوژى یێن سالێن ٩٠ى نههاتینه دهرمانكرن، بۆ چ كادر، سهركردێن پارتان و راگههاندنێن وان دخوازن برینێن ههی هێشتا كوورتر بكهن و جارهكا دى برینان خوین بكهن؟ ما نه بهسه مه ژ درێژیا دیرۆكێ ڤه مالا خوه ب دهستێ خوه خراب كر و كوردستانێ ب سایا دژبهریا ناڤخۆ تهسلیمێ دوژمنێن خوه كر؟.
ئانكو بلا چ كهسهك و پارتێن كوردى خوه وهك نیعمهتا خودێ نهبینن و نابیت پرۆپاگهندهیان ل دژى ههڤدو بكهن، لێ ئهڤ یهك ناهێته ڤێ واتهیێ ژى كو گهلێ كورد ل ههمبهر ئهڤیندارێن كیمیاباران و ئهنفالێ ژى بێدهنگ بن. دڤێت مه هێلا سۆر یا نهتهوى و نشتیمانى ههبیت كو نهمافێ چ كهسهكی یه زماندرێژى و دهست درێژیێ تێدا بكهن، وهك پاراستنا ئاخا كوردستانێ و رهتكرنا شهرێ خوهكوژى، پاراستنا پیرۆزیێن نهتهوى و بلند راگرتنا ئالا و شههیدان، مه ل كوردستانێ تشتێ كێم نهبوونا هزرا نهتهوی یه و دڤێت ئهم نهوهك ئهندام، ئالیگر یان كارمهندێ پارتهكا سیاسى ل روودانان بنێرین و چارچوڤهكێ نهتهوى یا گشتى پێكڤه دروست بكهین و یێن ل دژى چارچوڤێ نهتهوى بزاڤێ بكهت ژ ناڤا خوه دهرخینن و رادهستێ وژدانا گهلى بكهن. نابیت ب ناڤێ رهخنهكرنێ تاوانباریا ئالیهكى بهێته كرن و نابیت ل ژێر ناڤێ ئازادیا رادهربرین پشكهك ژ ئاغا كوردستانێ ژ دوژمنان را بهێته پێشكێشكرن، ئانكو دڤێت ئهم كهلتورێ نهتهوى و هێلا سۆر د وژدانا كوردستانێ دا ئاڤا بكهن و ئهو وژدان ببیته چاڤدێرێ پاراستنا كوردستانێ.
جار ب جار پهیڤهك یان كریارهكا شاش دهلیڤا پهیڤێن راست و دروست و كریارێن ئهقلانه درهخسینیت و ئهم دشێن ئهڤرۆ پهیڤا نیڤ برێز یێ پهرلهمانتهرێ گۆرانێ یا ل سهر تهسلیمكرنا سلێمانى بۆ داگیركهرێن عیراقێ بكهن دهلیڤا بۆ یهكگرتنا ناڤ مالا كوردى و ئاڤاكرنا ستراتیژیا نهتهوى یا ههڤپشك. ژ بهر كو ههكه نه دهرهو بیت ههمو ئالیێن سیاسى یێن كوردستانێ ب دژوارى ل دژى ئاخاڤتنا نیڤ برێز یێ پهرلهمانتهرێ گۆرانێ دهركهڤیت و ئهم دشێن شاشیا نیڤ برێزى بكهن بنگهها نهتهوى و پاراستنا ئاخا كوردستانێ و یهك ههلویست بن داكو نیڤ برێزێن دى ژ رێزا مه كێم نهكهن.
