خووشكا سێ شه‌هیدان مه‌زنترین ئالایێ كوردستانێ ل شلادزێ دروست كر
ئامێدیێ، مه‌حمود نهێلی:
ئالایه‌كێ مه‌زنێ په‌رۆكی كو ژلایێ ژنه‌كێ ڤه ب هه‌ڤكاریا ده‌زگه‌هێ پاراستنا ئالایێ كوردستانێ هاتیه چێكرن، دوهی 4/1/2022 ل سه‌ر جۆتسایدێ كۆمه‌لگه‌ها سیریێ یا سه‌ر ب ناوچه‌داریا شێلادزێ ڤه هاته بلندكرن.
رزگار عوبه‌ید، رێڤه‌به‌رێ ناحیا شێلادزێ بۆ رۆژناما ئه‌ڤرۆ دیار كر، ئه‌ڤ ئالایه ب ده‌ستێ ژنه‌كا ئاكنجیا كۆمه‌لگه‌ها سیریێ بناڤێ زه‌كیا محه‌مه‌د، كو خووشكا سێ شه‌هیدانه هاتیه چێكرن و گۆت: “ئه‌ڤ ئالایه ب به‌رهه‌ڤبوونا هه‌ژماره‌كا خه‌لكێ ده‌ڤه‌رێ و به‌رپرسێن حزبی و حكومی و ده‌زگه‌هێ پاراستنا ئالایێ كوردستانێ هاته بلندكرن”.
ئاشكرا ژی كر كو فره‌هیا ڤی ئالایی سێ مه‌ترن و درێژیا وی ژی شه‌ش مه‌ترن و دهێته هه‌ژمارتن مه‌زنترین ئالا كو ب ده‌ستی ل شێلادزێ هاتیه چێكرن.
ناڤهاتی ده‌ستخوه‌شی ل ڤێ ژنێ كرن بۆ كارێ وێ یێ پیرۆز و هیڤی خواست كه‌سانێن مینا وێ دلسۆز و كوردپه‌روه‌ر د ناڤ جڤاكی دا زۆر ببن و داخوازا سه‌ركه‌فتنێ بۆ خواست و گۆت: “زه‌كیا به‌ری نوكه ژی د چه‌ندین چالاكیێن نه‌ته‌وی دا ل سنوورێ ناحیا شێلادزێ رۆله‌كێ باش هه‌بوویه و دبیته خووشكا سێ شه‌هیدان”.
