خوەبەخشیێ وێرەكی بۆ وی چێكر
سندس سالح سلێڤانەیی:
عسام محەمەد، پەیامنێرێ (ڤیا میدیا) د دیدارەكێ دا بۆ رۆژنامەیا ئەڤرۆ گۆت: ژبەر حەزا من بۆ كارێ راگەهاندنێ بەری چەند سالان من ب (خوەبەخشی) دەستپێكر و گەلەك هەڤالان دگۆتنە من (بێ پارە ل چ جهان كارنەكە) و وان دڤیا دلێ من ژكاری ساربكەن، لێ من گوهێ خوە نەدە وان و یێ بەردەوام و نەیێ پەشیمانم، چنكو هەرچو نەبیت فێری كاری بووم و من گەلەك مەدیاكار نیاسین و مفا ژێ وەرگرتن.
هەروەسا گۆت: خوەبەخشیێ بۆ من وێرەكی چێكر گەلەك باش خوە پێ بگەهینم و ئەڤ چەندە ببیتە دەرگەهەك كو سوبەهی ل هندەك كەنالێن مەزن و باشتر كاربكەم، د دو سالێن خوە بەخشیێ دا ئەز ب كارێ بێژەری و دەرهێنەری ژی رابوویمە و من بۆ خوە سەربۆرێن باش ژێ وەرگرتینە و هەردەم ئەز دبێژم هەكە مرۆڤ خودان ئیرادە بیت و باوەری ب خوە هەبیت هەر دێ رۆژەك هێت ب سەركەڤیت، لەورا دبێژمە ژوان گەنجێن حەزا كارێ راگەهاندنێ هەین ژ كارێ خوەبەخشیێ دو دل نەبن، چنكو نە كێماسیە، بەلكو دماوێ كاری دا دێ فێری گەلەك تشان بی و دەرگەه دێ بۆتە ڤەبن.
