خوەشترین دەم بۆ من ئەو بوو دەمێ د شەڕی دا سەردكەفتین
تاها مەحمود سێری
و دیار كر، پشتی نێزیك وان بی وان ژی ب هەموو هێزا خوە بەرسینگێ وان گرتن و نەچار كرن رێیا خوە بگهورن و بچنە ئامێدیێ و گۆت: پشتی چوویە سەری ل ئامێدیێ خەلكێ سڤیل دانا بەرسینگێ خوە و هاتن داكو ئەم نەشێن شەری بكەین ل سەر هندێ را مە د سەر وان را تەقە دكر و سەرباز و چەتە لێ دكەفتن و دیار كر، كو هەڤالێن وان هەموو هاتن لێ دەرباز بوون و ئەو هەڤالەك بتنێ مان بناڤێ موحەمەد موستەفا گوهەرزی و مە بریار دا ئەم نەچین تا كو شەهید دبین یان ژی بریندار و گۆت : تانكێن رژێمێ ل گەل هزارەهان جاش و جێشێ بەرڤ مەڤە هاتن و ئەم ژی لێ راوەستیان تڤەنگا و ل گەل هندێ فیشەكەك دبرنۆیا من را ئاسێ بوو تا من فیشەك ئینایە دەر ئەو پتر نێزیكی مە بوون و بو حكمێ رمانێ و من هندیت گرمێن دەڤ مە هات ، هەڤالێ من سەرۆسەر ب ئەردی كەفت لێ ئەز نەكەفتم و وی گۆتە من ئای خال ئەز كوشتم و من گۆتێ خال چ نینە و من دەست دا تڤەنگا خوە، دەستێ من ل دووڤ من نەهات سەحكەمێ دەستێ من ژی یێ بریندارە و خوین یێ دەستێ من و پشتا من ڤە من گۆتێ خال ئەز ژی یێ بریندارم بەس چ نینە هلو دا بچین و ساجمە ب ستویێ وی كەفت بوو ب برینداری ئەم شیڤ و شیڤ چووینە و تا گەهشتینە دێرێ دەڤ هەڤالێن مە ل وێرێ . بەری ئەم بگەهیننە وێرێ ئێك ژ هەڤالێن مە بناڤێ سەعیدێ حەجی رەشید كەسەكی جامێر و بەركەفتی بوو یێ هاتیە پێشمەڤە پشتی مە پسیار ژی كری كا تو چ دكەی ل ڤێرێ گوت وەلا مە هەڤال یێن هەژمارتین و هەموو یێن هاتینە بتنێ هوون مابوون ژ بەر هەوە ئەز چی نەچومە ئەز چاڤەرێ هەوە مە كا چ ل وە هات و هندەك دەرمان و كەل و پەلێن برینپێچیێ ڤێ بوون و دەستێ من و ستوویێ موحەمەد گرێدان و ئەم چووین چوینە دێرێ و مە دیت هەڤالێن مە یێن بێ زەوق بین و دیاكرن كو ئەم هەردو نەماینە و یێن شەهید بووین.
ناڤهاتی گۆت: ئەو جهێ ل دەسپێكێ ئەم لێ، رژێم هاتە تێدا و بەرڤ مەڤە هاتن جهەكێ دبێژنێ كویچێ هندەك هەڤالێن مە چووینە براهیكێ و پێشمەرگەیەك ل وێرێ شەهید بوو و ئێكێ دن ژی بریندار بوو و چون بو سەری ل وێرێ ژی دو پێشمەرگەیەیێن دی شەهید بوون و ل مەیدانكا رێڤییا ژی پێشمەرگەیەك شەهید بوو و 13 پێشمەرگە ژی بریندار بوون كو ژلایێ فرۆكان ڤە هاتنە بوردومانكرن.
ناڤهاتی دیار ژی كر، ل سالا 1963 وی و هەڤالێن وی چەندین جاران ل ئاكرێ ژی پشكداری د شەران دا كریە و دوژمن شكاندیە لێ ب مخابنی ڤە پشتی خەلكێ وان گوندان راگوهاستی كارتێكرن ل مە ژی هاتە كرن و ئەم نەچار بووین ل گەلەك جهان مە خوە ڤەكێشا و شەرێن مە دبەردەوام بوون تا سالا 1975 و بەیانا 11 ئادارێ لێ گەلەك نەڤەكێشا و هەر زوو حكومەتا عیراقێ ژ سوزێن خوە پەشیمان بوو و جارەكا دی شەر ل دژی كوردا و شورەشێ راگەهاند و هێرشێن مەزن ب تانك و فرۆكان كرنە سەر پێشمەرگەی.
و گۆت: ل سالا 1975 ئەم ل گەل موحەمەد تاهر بێزنوری بین ل دەڤەرا سوران و سەرتیز و گەویا بێشێ و گەویا عومەر ئاغا و د شەرەكێ دژوار دا بابێ هەڤژینا من موحەمەد ئەمین شەهید بوو و چەندین هەڤالێن مە بریندار بوون و دیار كر، كو ئێك ژ هەڤالێن وی ب ناڤێ ئەحمەد سلێمان سێری دەستێ وی ژێڤە بوو و توپا تێزاڤێ ڤێ كەفت و پسمامەكی من ب ناڤێ سدقی تێزاڤێ دەستێن وی سوتن و تا چویە بەردلوڤانیا خودی ژی هەر دوو ژ بەر ئەگەرێن تێزاڤێ و برینداریا خوە دنالین و هەر ئەو بوونە ئەگەرێ گیان ژ دەست دانا وان ژی.
ناڤهاتی دیار ژی كر كو ل سالێن 1962 ئەو ل ئاكرێ بوون و ل وێرێ گەلەك نەخوەشی دیتن ژلایێ خوارنێ و ڤەخوارنێ ڤە هەروەسا ل سالێن 1964 ئەو ل گەل حسو میرخان بوو ل چیایێ مەقلیبی و پاشان ل سالا 1965 هاتینە چیایێن دێرێ و ئامێدیێ و تا 1970 و ل سالێن 1975 و 1976 ژی ل دەڤەرا سوران بوون تا نسكویا سالا 1975 ژی ئەم ل وێرێ ماین.
و گۆت : ل سالا 1978 ئەو بوو گوندێن مە راگوهاستنە كومەلگەهێن زۆرە ملێ وئەم ل دێرەلۆكێ ئاكنجی بووین و بەردوام ب هەموو رێیا مە هاریكاریا پێشمەرگەی دكر ب بەرزەیی ڤە تا داستانا دێرەلۆكێ و و ل وێ داستانێ پسمامێ من لەزگین یاسین شەهید بوو و پاشان ئەم دەربازی دەڤەرێن ئازادكری بووین تا هەیڤا هەشتا سالا 1988 ئەنفالان دەسپێكری ئەم دەربەردەرێ توركیا بووین و 4 سالان ل وێرێ ماین و ژ ئەگەرێ كارتێكرنا چەكێن كیمیایی یێن دەمێ ئەنفالان هەڤژینا من ژی وەغەرا داویێ كر و گۆت : پشتی سەرهەلدانێ ڤەگەریاینە هەرێما كوردستانێ و جارەكا دی مە دەست دا چەكێ شەرەفێ و تا سالا 2004 ئەز هاتیمە خانەنشینكرن.
پێشمەگەرێ ناڤهاتی دیار كر ، جوداهیا دناڤبەرا نوكە و وی سەردەمی دا ئەوە ، وی سەردەمی عەدالەت هەبوو، و هەموو كەس وەكو ئێك دهاتنە هەژمارتن و ئەو تشتێ هاتبا بو هەموویان وەكوو ئێك بوو، و گۆت: هەیڤانە بتنێ دو دەفتەركێن جگارا دانە مە ، لێ ئەو دەفتەركێن جگارا دانە هەموویان وەكو ئێك یێ جگارە نەكێشابایە ژی دانێ.
و ئاشكراكر، كو وان ئەڤ خەبات و زەحمەت و نەخوەشیێ دیتینە ببتنێ بو وێ یەكێ یێن ئازاد بن و وان خەبات دكر بو ئازادیێ و دیموكراسیێ و بو وێ یەكێ ئەو ب دەستێن خوە سەرۆك و رێبەرێن خوە هەلبژێرن و ببنە خودان ئاخ و وەلات و ئالا و دەولەت.
