خوەپێشاندانێن فرەنسا زیان گەهاندە ژێرخانەیا وەرزشی یا ئۆلمپیادا 2024ێ
سەرپەرشتێ گشتی یێ ژێرخانەیا وەرزشی بۆ ئۆلمپیادا پاریس 2024ێ دیار كر ئەو خوەپێشاندان و ئالۆزیێن ل پایتەختێ فرەنسا پاریس پەیدابووین زیانێن مەزن گەهاندینە پشكەك ژ ژێرخانەیا وەرزشی بەری دەستپێكرنا ئۆلمپیادا ئەوا بڕیارە ل هاڤینا سالا بهێت دەستپێبكەت.
كۆمپانیا سۆلیدیۆ بۆ ئاژانسا رۆیتەرز گۆت: د دەمێ خوەپێشاندانێن د ناڤ پاریس دا پەیدابوویی هندەك كەسان ئاگر بەردا مینی پاسێن تایبەت یێن بنگەهێ ئۆبرفیلییە و زیان گەهاندنە هۆلا وەرزشی یا مەلەڤانیان و چەندین كەلۆپەلێن وێ سۆتینە كو ئەڤچەندە كارتیكرن ل سەر ژێرخانەیا وەرزشی كریە، لێ بەرپرسێن ئێمناهیێ هەرزو جهێن تایبەت بۆ ئۆلمپیادا فرەنسا 2024ێ كۆنترۆل كرن ژبۆ پاراستنا وان ژ هەر زیانەكێ ژلایێ خوەپیشاندەران تایبەت ل باژێرێن پاریس، لیۆن، باۆ، تۆلۆز و لیل.
بۆ زانین ئۆلمپیا نێڤدەولەتی داخواز ژ دەستهەلاتدارێن فرەنسا كریە ئەركێ ئێمناهیا ژێرخانەیا وەرزشی یا ئۆلمپیادا 2024ێ رژدی ب ستویێ خوەڤە بگرن و هەكە ئەڤ ئالۆزیە دۆبارە بووڤە دوور نینە بڕیارێن نە چاڤەڕێكری بهێنە دەركرن.
