خوە بەرئاتافی مەترسیێن ریهتراشینێ نەکە
ئه‌ڤرۆ نيوز:
ئێک ژ گرنگی یێن سەرەکی ل دەڤ زەلامان تراشینا ریھانە و ریە تراشین دکەڤیتە د چارچوڤێ چاڤدێریا دێمی دا و پێدڤیە ھەر کەسەک ل دەمێ ریھێن خوە دتراشیت گەلەک ب ئاگەھی ب وی کاری راببیت، چونکو گەلەک جارا مەترسیێ ل سەر مرۆڤی پەیدادکەت، ئالاڤێن بۆ تراشینا ریھا ژی دھێنە ب کارئینان دگرنگن د چاڤدێریا مرۆڤی دا و ھەر جارەکا تە ھەست کر تە گرنگی ب تراشینا ریھا نەدایە نەدوورە پەشیمانی ل دووڤ پەیداببیت.
د راستی دا ریە تراشین نە تشتەکێ ب ساناھی یە وەکو ھندەک ھزر لێ دکەن، بەلکو ھندەک مەترسی دگەل ھەنە و نەخاسمە پێدڤیە ژبیر نەکەی کو تو موسێ ددانیە ل سەر ریھێن خۆ و پێدڤیە تە ئاگەە ژ خۆ ھەبیت ھەکو نە دێ ئاریشەیان بۆ خۆ پەیداکەی، سەرەرای ڤێ چەندێ ژی رێکا تراشینێ رۆلەکێ گرنگ و سەرەکی د پاراستنا دێمێ مرۆڤی دا ھەنە، ئانکو بێگومان ھندەک رێک ھەنە پێدڤیە ل دووڤ کاربکەی داکو بگەھیە ئارمانجا خۆ و دێمێ تە پاقژ بھێتە راگرتن.
ھەلبەت ھەر زەلامەکی رۆتینەکێ تایبەت بۆ ریە تراشینێ ھەیە ھەر رۆژ جارەکێ یان دو رۆژان جارەکێ ریھێن خو د تراشن، بەلێ یا مەدڤێت بێژین ئەوە ئەو کەسێن زوو خۆ ژ ریە تراشینێ ب داوی دئینن ئەو خو بەرئاتافی ھندەک مەترسیان دکەن و چ خوشیێ ژ ریە تراشینێ ژی نابینن و دێمێ وانژی نەساخلەم دبیت، ئەو شەفرێن ب کارئینای دوبارە ب کاردئینن ڤە و ھەتا دگەھنە ب کارئینانا سابوون و جێلی یێن نەتایبەت و ل دووماھیێ دێمێ وان ھەستیار دبیت.
ژ بۆ نەھێلانا مەترسی و نەھەڤسەنگی و سەربارکێن ژ ریە تراشینێ پەیدادبن، شارەزایێن پیستی مە پال ددەن کو ل دووڤ ھندەک رێک و شیرەتان کاربکەین و بکەینە رۆتینێ خو یێ رۆژانە د ریە تراشینێ دا ژوانژی:
باشترە دەستێن مە گەلەک د پاقژ بن بەری دەست ب ریە تراشینێ بکەین و دماوێ ریە تراشینێ دا و ریە تراشین ب رێیەکا باش بیت بۆ سلال و خوارێ و پشتی ئەم ژێ ب دووماھی دھێین باش ب ئاڤێ و سابوونێ بشوین، و پشتی ئەم ژ ریە تراشینێ ب دووماھی دھێین گەلەک باشە کولونیایێ ب رێکێن بەرێ لێ ب رەشینین.
ئەڤ رێکە دێ بنە ھاندەر کو رۆتینێ مە یێ رۆژانە بۆ ریە تراشینێ ب گوھورن و پاراستنا روویێن مە و دێمێ مە بھێتە کرن و ھەردەم ھەست ب نەرماتیا دێمێ خوە بکەین.