خۆلا شازدێ یا گه‌له‌ریا دهۆكێ هاته ڤه‌كرن
هه‌رهین محه‌مه‌د:
ب پشته‌ڤانیا د. عه‌لی ته‌ته‌ر پارێزگارێ دهۆكێ رێڤه‌به‌ریا گشتی یا ره‌وشه‌نبیری و هونه‌ری ل دهۆكێ رێڤه‌به‌ریا هونه‌رێ شێوه‌كاری دوهی ل رۆژا چارشه‌مبی 18/9/2024 ده‌مژمێر شه‌شی ئێڤاری ل هۆلا گه‌له‌ریا دهۆكێ خۆلا شازدێ یا گه‌له‌ریا دهۆكێ ل سه‌ر ئاستێ هه‌رێما كوردستانێ ڤه‌كر.
فه‌تاح محه‌مه‌د رێڤه‌به‌رێ هونه‌رێ شێوه‌كاری ل دهۆكێ بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: دخۆلا شازدێ یا گه‌له‌ریا دهۆك 53 هونه‌مه‌ند پشكداربوون ل سه‌ر ئاستێ هه‌رێمێ و حه‌فتێ و پێنچ كارێن هونه‌ری هاتبوونه نیشادان و دئه‌ڤ ساله‌دا جوداهی هه‌یه ل گه‌ل سالێن بوری و ئه‌ڤ ساله ده‌رفه‌ت پتر هاتبوودان بۆ هونه‌رمه‌ندێن گه‌نج داكو وێره‌كی بۆ وان چێبیت هه‌ر دبه‌رده‌وام بن و مه چو هونه‌رمه‌ند ده‌ستنیشاننه‌كربوون بۆ ئه‌ڤی خۆلێ و پشتی مه كریه ریكلام و گه‌له‌ك هونه‌رمه‌ندێن شێوه‌كار هاتن و مه لژنه‌ك دانا و كارێن وان هه‌لسه‌نگاندن و هاتنه هه‌لبژارتن كو پشكداری خۆلێ ببن.
رێڤه‌به‌رێ هونه‌رێ شێوه‌كاری گۆتژی: سالانه ئه‌م لژنه‌كێ دانین و سێ هونه‌رمه‌ندێن باش دبنه لژنه ژ بۆ هه‌لسه‌نگاندنا كارێن هونه‌رمه‌ندان ژ شێوه‌كاری بیت یان سیرامیكن یان كه‌ڤال و ئه‌و هه‌رسێ كه‌سه كارێ باش دهه‌لبژێرن گۆت: كارێن سێ هونه‌رمه‌ندێن وه‌غه‌ركری ژی مه پشكداری ئه‌ڤێ خۆلێ كرینه ژوان ژی هونه‌رمه‌ند حه‌مید عجێل و سه‌عده‌دین باله‌ته‌ی و ستار عه‌لی.
