خۆنێشادانه یان پاكیتا دووێ یه ژ پرۆژێ كهركووكێ؟
شهوكهت ئامێدى
گهلهك جاران من یێ دوبارهكری، دهسههلاتا ههرێما كوردستانێ عهیار ٢٤ نینه، بهلێ ل ههمی وهڵاتێن دیمۆكراتی و نیڤ دیمۆكراتی خۆنیشادانێن ههین و پێدڤیه ههبن، چونكی ئێكه ژ چهمك و بنهمایێن دیمۆكراسیێ، دهمێ بیرهكا ههر خۆنیشادانهكێ ههبیت ل ههر وهلاتهكی، پێدڤیه كهسانهك، گرۆپهك، یان لایانهك داخوازا دهستووریێ (ڕۆخسهتێ) بكهت و دهم و جهێن خۆنیشادانێ نیشانكهن و پۆلیس ئهوان بپارێزن و ئهو ژی مال و سهروهتێن دهسههلاتێ و جڤاكێ و میری بپارێزن، ب كورتی ئهڤهنه خۆنیشادانێن مهدهنی و ئاسایی ژ بۆ ههر داخوازیهكێ، پشتی دههـ ڕۆژ ب سهر ١٦ جۆتمههێ دا ل كهركووكێ، هێزهكا دههـ هزاری یا حهشدا نهشهعبی و پۆلیسێ عیراقی ب چهكهكێ نهگران و نه سڤك گههشتنه دهوروبهرێن كویسنچهق، كهتهكا كێم ب ئاشكهرایی زڤڕینهڤه و ئهوا دی ب بێدهنگی یا مایه ل وێرێ، بهرێ سێ ڕۆژان (ئیقبال پۆڕ و مزگهریان)، ئهو ههردو مرۆڤێن دووێ نه پشتی قاسم سولهیمانی، یێن گههشتینه سولهیمانیێ و ل گهل كۆمهڵ، گۆڕان، ئێكهتی و بهری نوكه (شاسوارئهبدولواحید) خربین و یا دیاركری ئهڤ ههمی قهیرانه بناسێن پارتی و ب رێز مهسعود بارزانی نه، پاشی ب جودا یێ ل گهل هنده مهلا ژی جڤیاین، دیسا ئهوان خهلكهكێ خۆفرۆشێ ههی ل زۆربهی دهڤهرێ، دهمێ ههر دهرفهتهكێ ببینن، ئهو دهست ب كارێن نهشرین دژی دهسههلاتێ بكهن و دا هنده بێ گونههـ و نهزان ژی دهسدپێبكهن، سۆتاندنا بارهگایێن پارتی ل ڕانیێ و قهلادزێ و هنده جهێن دی بهری دهمهكی، ههر وهسا نوكه دهست ب سۆتاندن و مالوێرانیێ كر، ژ بۆ دو مهبهستان:
١ـ پارتی ژی دهست ب سۆتاندنا بارهگایێن گۆڕان و كۆمهڵه و حهتا ئێكهتی ژی بكهت، دا ههر لایانهك، لایانگرێن لایێ دی بنێریته دهڤهرا دی و ههر چهنده نوكه ژی دو ئیدارهیه، بهلێ ڤێ جارێ دو ئیداره و براكوژیهكا دی، كورد ب دهستێ كوردان، ل ڤێره ژی نه سهركردێن پارتی نه ئێكهتی، چ لێ ناهیێن، ژ نهزان و بێگونههان زهێدتر، ههكه ئهڤێ سهرنهگرت، برن بۆ سۆتاندنا ئێزكێن گاز و غاز و كهرهبا و سهرچاڤێن ئاڤێ ب دهستێ نهزانان، دا زهرتر جڤاك تێهنی و برسی ببیت و جڤاك ب ههمی ب پیكڤه ڕا بیت. ل وی دهمی ههر ههر كهسهكی دێ ئاگهل ل مال و حالێن خوه بن و ئهو هێزا نوكه ل پشت پردێ، ل دهوروبهرێن كۆیێ، مهخمووری، شنگارێ بێ شهڕ دهستی ل سهر ههرێمی دا بگرن و ببیته تهڤنهڕێ (سیستێمێ) پارێزگهیا، واته فیدرالی و پهرلهمان، سهرۆك وهزیران ههمی فت، پاكیتا سێ ژ پرۆژێ ڕۆژا ڕهشا ١٦ ههیڤا دههـ. دهستههلاتا ههرێما كوردستانێ ڕۆژا نیڤرۆ ب شاهدوئیزبات، بهرچهمێ سپی بلند بكهت و بچیته نك عهببادی و حاشا: گشتپرسیێ ههلوهشینیت، گۆمرك و فرۆدگا و باجهیان بێخنه بن دهسدههلاتا بهغدا و ئهم ژی بۆ ببینه پاسهوان دژی توركیا و ههر ڕووداوهكێ. ئهڤه ههمی ههتا مووچێ شهش سهد هزاران شوونا مووچێ ملیۆنهك و چار سهد هزاران ئهگهر بدهت. چنكی عیراق ١٢٠ ملیاران یا قهرزداره، چو جاران نهشێت هاریكاریا ههرێمێ بكهت.
ل ڤێره پسیارهك دروست دبیت. باشه ههكه دهسههلاتا ههرێمێ ئهو گازا ههی بفرۆشیت ل گهل ههمی گۆمرك و باجان بهس ڕێ بدهته گهندهڵ و دزان. ههمی داهات و خهرچیا ب ڕۆهنی بێخیته بهر چاڤێن جڤاكێ، بێگومان دێ جڤاك ژی ئارامتر لێهێت و دو سێ ههیڤن. دێ عهببادی ب خوه سهرهدانا ههڤلێرێ كهت، ئهو ژی ژ فشار و بهرژهوهندیێن خوه، بهلێ مخابن ئهم ههر دهم ژ كێمبیری و نهزانی گهلهكێ د دهینهب پیجهكی.
كومانتارهك ل سهر كومهڵ و گۆڕانێ و سهردهمێ (باشه جهنابێ مهلهعهلی دهمێ بۆ ڕاگههاندنێ د بێژیت: هوشیاری و بێداری: بهرێز بۆچی جهنابێ ته بهری خۆنیشاداران نه دكهفت و ئارامی پاراست با، گۆڕان دهمێ هوون دبێژن ئهگهر دهسههلاتا نیشتیمانی پێكنهئینن! دێ ڕێیێن دی گرینه بهر! ئهڤهنه چارهسهرێن ههوه، سهردهما نه ڕاست و دروست: هێشتا ههوه دهستویری نه ئینایه دهرێ هوون یێن بینه گهندهڵێن ههرێمێ و بهغدا دهسدكیسێ ئهمریكا، دێ هۆسا دیمۆكراسیێ ڕاگههینن؟. كا ئهو كی یه ل ههمی ههرێمی، بهری ببیته سهـ ساڵ ببیته خودان ملیارات و ژ مالباتهكا ههیی نهبیت؟ بهلێ یا دیاره باژێرهكێ بێ خودانه!
