خۆ ل کەڤرەکێ دا
دلۆڤان هالۆ، زاخۆ:
ڕێڤەبەرێ پەیوەندی و ڕاگەهاندنا ڕێڤەبەریا هاتنوچوونا دهۆکێ، دیار کر کو د روودانەکا هاتنوچوونێ دا ل زاخۆ کەسەك ب گرانی بریندار بوو. ئازاد تەها، ڕێڤەبەرێ پەیوەندی و ڕاگەهاندنا ڕێڤەبەریا هاتنوچوونا دهۆکێ، بۆ (ئەڤرۆ نیۆز) ڕاگەهاند: ” ئەڤرۆ ڕۆژا چوار شەمبێ، ڕێکەڤتی (۲۰۱۷/۹/۱۱)ێ، ل دەمژمێر (۱:٤۰)ی نیڤرۆ، د روودانەکا هاتنوچوونێ دا ل گەلیێ زاخۆ، تڕۆمبێلەکا ژ جۆرێ تۆیۆتا کڕۆلا تەکسی کوردستان، ژ بن کونتڕۆلا شوفێری دەرکەڤت و خۆ ل کەڤرەکێ دا، و د ئەنجام دا کەسەك ب گرانی بریندار بوو”. ناڤبری، دیار ژی دکر : ” ئەڤ روودانە، ژ ئەگەرێ نە پێگیری کرن ب ڕێنمایێن هاتنوچوونێ ل ڕێکێن دەرڤە هاتە پێش”.
