خیار بۆ فشارا خوینێ و سوتنێ ب مفانه
ئه‌ڤرۆ، به‌رپه‌رێ ساخله‌میێ:
خیار دهێته هژمارتن ئێك ژ خوارنێن پری ڤیتامین و كانزا، ژبه‌ركو گه‌له‌ك ڤیتامین A-C ب خوڤه‌دگریت و دگه‌لدا ژی ( پوتاسیوم، مه‌گنسیوم و ترشیێ فولیك و مه‌نگه‌نیز) دناڤدا هه‌نه.
خیار فشارا خوینێ یا بلند رێك دئێخیت و كه‌رستێ ( سیلیكا) دناڤدا هه‌یه كو كار دكه‌ت بۆ بهێزكرنا شانه‌یێن له‌شی، هه‌روه‌سان خیار كاردكه‌ت بو پاراستنێ ل سه‌ر ئاریشه‌یێن پیستی وه‌كو سوتنێن به‌ر تیرێژێ و وه‌رمینا دبن چاڤان دا، خالێن ره‌ش و دیسان یێ پێكهاتیه ژ ترشیه‌كی كو ناهێلێت ئاڤ د له‌شیدا ئومبارببیت، له‌ورا ژی ب شێوه‌یه‌كێ خۆ جهی دهێته ب كارئینان بۆ چاره‌سه‌ریا هنده‌ك ژ هه‌ودانێن پیستی، ئاڤا خیاری بۆ پاراستنا ساخله‌میا دێمی دهێته ب كارئینان و دگه‌ل ڤێ چه‌ندێ ژی ب كارئینانا ئاڤا خیاری و یا گێزه‌ران پێكڤه ب مفانه بۆ هه‌ودانا گه‌هان ئه‌وا په‌یدادبیت ژ ئه‌نجامێ ترشیێ یوریك د له‌شیدا، هه‌روه‌سان هاریكاره بۆ چاره‌سه‌ریا نه‌خوشیێن پێدیێن ددانان و ب تایبه‌ت ده‌مێ تووشی هه‌ودانان دبن و ژبه‌ركو گه‌له‌ك كانزا دناڤ خیاری دا هه‌نه له‌ورا ئه‌و نینوكێن مه ژ شه‌خبوونێ د پارێزیت و ب مفایه بۆ نه‌خوشێن شه‌كرێ.
