خیانەت نەکریە و یێ رژدە ئەرکێ خوە وەرگریت
ئەڤرۆ:
لدور وان گوتنێن دھێنە گوت کو راھێنەرێ ھەلبژارتیێ عیراقێ ل کاسا کەنداڤی یا 18 ل وەلاتێ سعودی ئەکرم سەلمان خیانەت کریە و یاری دایە ھەلبژارتیێ سعودی و ژ قارەمانیێ دەرکەفتیە ب رێککەفتنەکێ ل گەل ھەلبژارتیێ سعودی.
لدور ڤێ چەندێ یاریکەرێ یانا دھۆک خالد مشیر کو ل وێ قارەمانیێ یێ ئامادە بوو تایبەت بۆ رۆژناما ئەڤرۆ گوت: د ژورا گھورینا یاریکەران ڤە راھێنەرێ مە ئەکرەم سەلمان وانا یاریێ بومە شرۆڤەدکر و دیارکر کو پێدڤی یە ب سەرکەڤین لێ دەمەکی مە دیت سەرۆکێ ئێکەتیا تەپا پێی حسێن سەعید ھاتە ژورڤە و ئەکرەم سەلمان ل گەل چوو.
زێدەتر خالدی گوت: نیڤ دەمژمێر چو راھێنەر زڤری و بومە وەسا دیارکر کو رێککەفتنەکا ھەی دناڤبەرا ھەردو ھەلبژارتیان دا و یاریکەران ھەمیا زانی ئەڤ چەندە، لەورا دبینم کو راھێنەر یێ بێ گونەھە و گونەھا ئێکەتیا تەپا پێی یە و بتنێ خەلەتیا راھێنەری ئەوە پێدڤی بوو یاریکەر بڤێ چەندێ ئاگەھدار نەکربان.
ژلایەکێ دووڤە یاریکەرەکێ دی کو گەلەک داخویانی پشتی وێ قارەمانیێ دا بوون و ئەکرم سەلمان ب خاین بناڤکربوو عیماد محەمەد گوت: من نەگوتیە ئەکرەم سەلمان خاینە و نابێژم ژی چنکو وی چو خیانەت نەکرینە بتنێ ئەو بوو قوربانیێ رێککەفتنەکا نەن دجھێ خوە دا دناڤبەرا ھەر دو ئێکەتیێن تەپا پێی یێن سعودی و عیراقێ.
زێدەتر عیمادی گوت: ئەز نە لگەل ھەلبژارتنا ئەکرەم سەلمانم بو راھێنەراتیا عیراقێ چنکو ژیێ وی مەزن بوویە و پێدڤیە عەقلیەتەکا نوو تر بھێتە دانان و ھەکە ئێکەتی یا رژدبوو لسەر گوتنا خوە بدیتنا من دێ ئەنجامێن خراب دووڤ خوە راھێلیت.
بەرامبەر ڤان گوتنا راھێنەر ئەکرەم سەلمان تایبەت بۆ ئەڤرۆ گوت: من چو گونەھا خوە د وی بابەتی دا نینە و ئەز بومە قوربانێ ھندەک کەسا کو ئەڤ رێکەفتنە کربوو.
زێدەتر ناڤبری گوت: چو راستنی بو بابەتێ پاشگەزبوونا من نین نبو راھێنەراتیا ھەلیبژارتیێ عیراقێ و دێ کارێ خوە کەم چنکو ئێکەتیا تەپا پێی ئەز ر اسپاردیمە نەکو من ھیڤی ش کەسێ کرینە.
لدووماھیێ ناڤبری گوت: ھەموو کەس دزانن بوچ ئەڤ ھەوە دژی من دھێتەکرن کو ھندەک کەسن دوور ژ وەرزشێ بابەتێ وان و بتنێ بو وان دبێژم دارا بەری دێ ھەر بەر چنێ وان دڤێت مێژوویا من تێکبدەن لێ ناسناڤ و دەستکەفت د ئاخڤن.
ئەکرەم سەلمان ب فەرمی ھاتیە دانا بوو راھێنەراتیا ھەلبژارتیێ عیراقێ بو قارەمانیێن داھاتی.
