خیڤەتێن ئاوارەیان دێ هێنە گوهۆڕین
دهۆك، لەزگین جۆقی:
ڕێڤەبەرێ كۆچ و كۆچبەر و بەرسڤدانا قەیرانان ل پارێزگەها دهۆكێ دیار كر، خیڤەتێن ئاوارەیان دێ هێنە گوهۆڕین و خێڤەتێن نوو ل جهێ خێڤەتێن كەڤن دێ بۆ هێنە دانان.
پیر دەیان، ڕێڤەبەرێ كۆچ و كۆچبەر و بەرسڤدانا قەیرانان ل پارێزگەها دهۆكێ بۆ رۆژناما ئەڤرۆ گۆت: «خێڤەتێن ئاوارەیان ل كەمپان كەڤن بووینە، دێ دەست ب گوهۆڕینا وان خیڤەتان كەین، دێ بزاڤێ كەین، ئەو خیڤەتێن ڕێكخراوا (UNSR) دانای بهێنە گوهۆڕین و ل جهێ وان خیڤەتێن وەزارەتا كۆچ و كۆچبەرێن ئیراقێ بهێنە دانان».
خەلكێ شنگالێ ل سالا 2014ێ ئاوارە بووینە و هەتا نوكە هەژمارەكا مەزن یا ئاوارەیان د ناڤ كەمپان دا ماینە، ژ بەر خرابیا ڕەوشا شنگالێ نەشیاینە ڤەگەڕنە سەر جهـ و وارێن خۆ.
