خێرخوازه‌كی مزگه‌فته‌ك و هوله‌ك بۆ بیره‌وه‌ریا ئاڤا كریه
ئه‌ڤرۆ نیوز، بارزان مزووری:
د رێوره‌سمه‌كێ دا ئه‌ڤرۆ نیڤرۆ رێكه‌فتی 23/2/2020 لژێرچاڤدێریا”سه‌ردار یحیی عبدالعزیز” قائیمقامێ قه‌زا شێخان مزگه‌فت و هولا بیره‌وه‌ریا ل گوندێ هنجیرۆك سه‌ر ب ناحیا زێلكان ڤه هاته ڤه‌كرن ژلایێ خێرخازه‌كێ ده‌ڤه‌رێ بناڤێ”حه‌جی جه‌مال” ڤه هات بۆ ئاڤاكرن ل سه‌ر روبه‌رێ هزار مه‌ترێن عه‌ردی.
ماف په‌روه‌ر ره‌جه‌ب ئه‌حمه‌د به‌رپرسێ مزگه‌فتێن قه‌زا شێخان ل رێڤه‌به‌ریا ئه‌وقافا شێخان بۆ ئه‌ڤرۆ نیوز گۆت: (ئه‌ڤ مزگه‌فته و هولا بیره‌وه‌ریا و تازیا ژلایێ ئێك ژ خێرخازێن ده‌ڤه‌رێ ڤه هات بۆ ئاڤاكرن لدوڤ شێوازه‌كێ نوی بكۆژمێ 30 ده‌فته‌رێن دولاری ئاڤاهیێ مزگه‌فتێ جودا و ئاڤاهیێ هولێ ژی جودا به‌لێ ل نێزیك ئێك هاتینه دانان).
ناڤهاتی خۆیاكر ل سنورێ رێڤه‌به‌ریا مه د نها دا كار ل سه‌ر دروست كرنا 13 مزگه‌فتا دهێته كرن هه‌موو ژوانا ژلایێ خێرخازان ڤه دهێن ئاڤاكرن به‌لێ ژبلی وان ئه‌م د نها دا پێتڤی ب پێنج مزگه‌فتێن مه‌زنین بۆ وان ناحیێن سه‌ر ب قه‌زایێ ڤه ژبه‌ركۆ رۆژانه رێژا ئاكنجیێ ل باژێرا زێده دبیت تایبه‌ت سه‌نته‌رێ شێخان،
ناڤهاتی گۆت: (ل سنورێ قه‌زا شێخان ژبلی وان مزگه‌فتێن كار ل سه‌ر دهێت كرن زێده‌تری 155 مزگه‌فت یێن لێ هه‌ین هه‌موو ژ وانا ده‌رگه‌هێن وان ڤه‌كرینه).
