خێرخوازەك دایینگەهەكێ ب ناڤێ هەڤژینا خۆ یا وەغەركری ئاڤا دكەت
زنار تۆڤی:
موسەدەق تۆڤی، نڤیسەر و ئەندامێ جڤاتا ناڤەندا خانی یا رەوشەنبیری و راگەهاندنێ ل دهۆكێ بۆ رۆژناما ئەڤرۆ دیار كر، ئەو شیایە مۆهلەتا دایینگەهەكا خێرخوازی ب ناڤێ رەحمەتییا هەڤژینا خۆ (گەلاوێژ ئەحمەد عاسم) وەربگریت و دبێژیت: ل رۆژا 17/6/2025 دەست ب كارێ ئاڤاكرنێ هاتیە كرن و من سەرەدانا جهێ كاری كر و قووناغا نەخشەكێشانا ئاڤاهی هاتییە ئەنجامدان.
ناڤهاتی گۆت: «ئەڤ دایینگەهە ژ مالێ رەحمەتیێ دێ هێتە ئاڤاكرن و عەرد ژ لایێ باژێرڤانیێڤە بۆ هاتییە تەرخانكرن، پشتی پڕۆژە ب دوماهی دهێت، رادەستی رێڤەبەرییا چاڤدێرییا جڤاكی دێ هێتە كرن و دێ بیتە دایینگەهەكا حكومی بۆ زارۆكێن باژێری».
موسەدەق تۆڤی زێدەتر گۆت: «مەرجێ مە ل گەل رێڤەبەرییا چاڤدێرییا جڤاكی ئەوە، ب تنێ ئاڤاهی بۆ دایینگەهێ دێ هێتە تەرخانكرن و نابیت بۆ چو كارەكێ دی بیت».
