خێزانا (محه‌مد سلێڤانه‌یی) داخوازا مافێن وی دكه‌ن
زاخۆ، عه‌لی حاجی:
كۆڕێ سترانبێژێ وه‌غه‌ركری (محه‌مه‌د سلێڤانه‌یی) ب رێكا رۆژناما ئه‌ڤرۆ داخوازه‌كێ ئاراسته‌ی جهێن شۆله‌ژێ دكه‌ت و دبێژیت: پشتی سالا 2010 بابێ مه وه‌غه‌ركری خزمه‌تا وی یا هونه‌ری ب ئێكجاری یا هاتیه ژببیركرن و هه‌تا نوكه چو كه‌سه‌كی پرسیارا خێزانا وی نه‌كریه كا ره‌وشا هه‌وه چاوانه، هه‌تا مۆچێ وی ژی هاتیه بڕین.
ئازاد محه‌مه‌د سلێڤانه‌یی، گۆت: پشتی وه‌غه‌ركرنا بابێ مه گه‌له‌ك سۆز ب مه هاتنه دان كو خزمه‌تا وی یا هونه‌ری ژبیرنه‌كه‌ن ودێ هاریكاریا خێزانا وی كه‌ن، لێ جهێ وێ پشتی ده‌مه‌كێ كێم مۆچێ وی ژی هاته بڕین، بۆ زانین بابێ من پتری بیست و پێنج سالانه خزمه‌تا هونه‌رێ كوردی كریه لێ هه‌تا نوكه سالڤه‌گه‌ڕا وی ژی نه‌هاتیه ساخكرن و سه‌ندیكا هونه‌رمه‌ندان ژی یێ ژبیركری و ئه‌م دخوازین مۆچێ بابێ مه بزڤرینن، هه‌روه‌سا ناڤێ وی دانه سه‌ر جهه‌كی و سالڤه‌گه‌ڕا وی ژی ساخكه‌ن.
